Құрметті үкіметтік емес ұйым өкілдері!

Сіздерді Бүгінгі мерекелеріңіз – Дүниежүзілік Үкіметтік емес ұйымдар күнімен құттықтаймын! Бұл атаулы күн – еркіндікке, қоғамдық дауысқа, адамдардың қауіпсіздігіне, табиғатқа, адамзаттың мәдени мұрасына, адамзаттың болашағына қамқорлық жасауға бағытталған жаһандық құндылықтарды көрсететін халықаралық символ.

Бүгінде Маңғыстау облысында заңды тіркелген 852 үкіметтік емес ұйым бар, оның ішінде белсенді түрде 323-і жұмыс жасайды.

Үкіметтік емес ұйымдар секторы –әлеуметтік мәселелерді шешуде және азаматтық бастамаларды жандандырудағы мемлекетіміздің ең сенімді бөлігі.

Еліміз тәуелсіздігін алғалы қоғамдық ұйымдар Қазақстанның әлеуметтік-экономикалық дамуына ауқымды үлес қосып келеді. Қарқынды дамып келе жатқан еліміздегі үкіметтік емес ұйымдар – қоғамды ілгерілетудің қозғаушы күші, оңтайлы өзгерістердің арқауы. Сіздерді Үкімет және Азаматтық қоғам арасындағы “алтын көпір” деп білеміз.  

Күш пен ресурстарды біріктіру арқылы елеулі өзгерістерге қол жеткізуге және қоғамның қажеттіліктерін қанағаттандыру бағытында ел игілігі үшін тынбай еңбектеніп, Мемлекет басшысының маңызды стратегиялық жоспарларын жүзеге асыруға ат салыса беретіндеріңізге сенімдімін!

Сіздерге мықты денсаулық, шығармашылық табыс, отбасыларыңызға амандық тілеймін!

Құрметпен, Маңғыстау облысының әкімі Нұрлан Ноғаев.

• 28.02.2022
• 189