Елордада терроризмге қарсы қорғалу бойынша семинар өтті

Елордалық полиция қызметкерлері №34 мектепке дейінгі ұйым мен Нұр-сұлтан әкімдігінің Мамандандырылған балалар үйі қызметкерлерінің қатысуымен семинарлар өткізді, онда терроризмге қарсы қорғалу бойынша әдістемелік сипаттағы ұсыныстар берілді. Семинар барысында Қазақстан Республикасының террористік тұрғыдан осал объектілердің терроризмге қарсы қорғалуы саласындағы заңнамасының нормалары, терроризм актісінің қатері кезіндегі іс-қимылдар және профилактикалық іс-шаралар мен төтенше жағдайлардағы іс-қимылдарды ұйымдастыруға көмек көрсету егжей-тегжейлі түсіндірілді. Сондай-ақ, ҚР Қылмыстық Кодексінің 273-бабы "Терроризм актісі туралы көрінеу жалған хабарлау"бойынша құқыққа қарсы іс-әрекет жасағаны үшін жауапкершілік жеткізілді. Бұл ұсынымдардың мақсаты-адамдардың өмірі мен денсаулығын сақтауға бағытталған Төтенше жағдайлар кезінде алдын алу және түсіндіру жұмыстарын ұйымдастыруға көмек көрсету. Сонымен қатар, жастар арасында және жалпы қоғамда экстремизмнің алдын алу мәселелері талқыланды.

• 28.02.2022
• 281