Прокурорлар Қарағанды облысының өнеркәсіптік кәсіпорындарын тексерді

Облыстық прокуратураның жарақаттану және облыс жұмыскерлерінің 40% - дан астамы еңбек ететін аймақтың ірі кәсіпорындарындағы жұмыс жағдайлары бойынша кеңейтілген алқа отырысына қатыстым. Прокурорлық тексерулер барысында 5 мыңнан астам бұзушылық анықталды. Олардың 2 мыңнан астамы дереу жоюды талап етеді.

Бүгінгі таңда көмір өндіру саласы еңбек жағдайлары мен тау-кен жұмыстарын жүргізу бойынша ең қауіпті сала болып отыр. Тек «Арселор Миттал» шахталарында өткен жылы 42 адам зардап шегіп, 9 адам қайтыс болды. Костенко, Күзембаев, Саран шахталарында 70-ші жылдары және одан ерте орнатылған көтергіш қондырғылардың жай-күйі ерекше алаңдаушылық тудырады.

Теміртау қаласындағы 2-ЖЭО-дағы жабдықтардың жағдайы да көңіл көншітпейді. Осыған байланысты соңғы қыс маусымдары алаңдатарлық жағдайда өтуде.

Өз кезегінде «АрселорМиттал Теміртау» компаниясының басшылығы биыл жабдықтарды жаңғыртуға және экологиялық іс-шараларға 190 млрд теңге бөлу ниетін растады.

Бүгінде біз компания басшылығынан өзіне алған барлық міндеттемелерді тиісті дәрежеде орындап, оның ішінде қауіпсіз өндіріс пен адами еңбек жағдайларына инвестиция салуын талап етудеміз.

Мен адамның өмірі мен денсаулығы кез – келген қызметтің ең жоғары басымдығы, ал өндірістегі еңбекті қорғау мемлекеттің ұлттық және экономикалық қауіпсіздігіне тікелей қатысы бар деп санаймын.

• 01.03.2022
• 241