Маңғыстау облысы әкімі Н. Ноғаевтың Алғыс айту күніне құттықтауы!

Қадірлі маңғыстаулықтар!

Баршаңызды 1 наурыз – Алғыс айту күнімен шын жүректен құттықтаймын!

Айтулы мереке көктем айының алғашқы күнімен бірге төрімізге еніп, күнделікті өмірімізге нұрлы шуағын шаша келгендей. 

Бұл – тағдыр тәлкегімен Қазақстан жеріне еріксіз қоныс аударылған түрлі этнос  өкілдерінің қонысына айналған қасиетті қазақ жері мен қонақжай қазақ халқына терең тағзымының белгісі. Қазақ халқы қиын-қыстау заманда олардың басына түскен ауыртпалықты қайыспай, бірге көтере білді. Осылайша бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды. 

Алғыс айту күні біз үшін жыл бойы атқарған еңбектерімізбен және жасаған жақсылықтарымызбен маңызды. Әр адам жақсылығы үшін алғыс алып, өзіне көрсетілген көмек, демеу үшін рахмет-ризашылығын білдіретін күн.

Қадірменді жерлестер!

Қазақстан халқын мәңгілікке біріктіруге бағытталған «Мәңгілік Ел» жалпыұлттық патриоттық идеясының жарқын көрінісі, қазақстандық бірегейліктің негізгі арқауы – еліміздегі барлық ұлт пен ұлысты бір шаңырақ астына топтастыратын бүгінгі мереке құтты болсын!

Еліміздің біртектілігі мен бірлігі нығая берсін!

Баршаңызға мықты денсаулық, отбасыларыңызға қуаныш, бақыт тілеймін!

Құрметпен, 
Маңғыстау облысының әкімі Н. Ноғаев

• 01.03.2022
• 173