Ақтөбе облысында елдегі ең ірі турбиналары бар екінші жел электр стансасы ашылды

Ақтөбе облысының Қарғалы ауданында 2 наурыз күні «Бадамша-2» екінші жел электр стансасы салтанатты түрде ашылды.
Жобаны итальяндық Eni компаниясы жергілікті «Arm Wind» ЖШС еншілес компаниясы арқылы жүзеге асырып отыр. Жобаға құйылған инвестиция 36
миллиард теңгені құрайды. Шараға облыс әкімі Оңдасын Оразалин, Италия Республикасының Қазақстандағы Төтенше және Өкілетті Елшісі Марко Альберти, «Arm Wind» ЖШС басқарушы директоры Алекс Стиллавато, «BI Group» компаниясының, өңірдегі мемлекеттік органдар мен даму институттарының өкілдері қатысты.
«Eni компаниясына Ақтөбе облысына енгізген аса жоғары технологиялары үшін алғысымды білдіремін. Бүгін өңірдің экономикалық әлеуетін дамыту үшін, өндірістерді жасыл энергиямен арттыратын маңызды күн. Бір қызығы, жоба Тәуелсіздіктің 30 жылдығы қарсаңында іске қосылды», - деді жиналғандармен амандасқан облыс әкімі Оңдасын Оразалин.
«Бадамша-2» электр стансасы 2021 жылдың қыркүйегінде, шамамен құрылысы басталғаннан 12 айдан кейін коммерциялық пайдалануға берілген болатын.

• 03.03.2022
• 224