Приозёрск қаласының тұрғындарымен кездестім

Приозерск қаласында өткен кездесу барысында қала белсенділері мен тұрғындар тарапынан өзекті мәселелер бойынша ұсыныстар көп болды. Барлық сұрақтар да өзекті. Олардың көпшілігі қазірдің өзінде орындалуда. Мысалы, қаланың кәріз және тазарту құрылыстары бойынша мәселелер өткен жылы қолға алынып, биыл жаздың соңына дейін шешіледі.

Тұрғындар стадионды жөндеу және жаңа жабық спорт нысанын салу мәселесін де көтерді. Бұл ретте қала әкімдігі дене шынықтыру-сауықтыру кешенінің құрылысына ЖСҚ-ны жедел әзірлеп, жобаны үшінші тоқсанда бастауға келісті. Сондай-ақ қала тұрғындарының колледж ашу туралы ұсынысы да өз шешімін табады. Білім басқармасы бұл мәселе бойынша ұсыныстарды екі апта ішінде әзірлейді.

Кездесуде жол желісінің жағдайына қатысты сын айтылды. Биыл қалада бірқатар көшелерді жөндеу жоспарланған. Бұл орайда жұмыс сапасын тиісті деңгейде қамтамасыз ету қажет.

Сонымен қатар қалада сумен жабдықтау және жылу мәселелері тиісті шешімін табуда.

Жалпы алғанда, тұрғындар көтерген мәселелер шешімін табады.

Ай сайын маған әрбір мәселенің шешілуі жайлы баяндалатын болады. Мен болсам сіздерге өз парақшамнан жұмыстардың қалай атқарылып жатқаны жайлы хабарлап отырамын.

• 05.03.2022
• 448