Балқаш қаласы өткен жылды жақсы көрсеткіштермен аяқтады

Қоңырат ықшамауданында орталық жылу жүйесі жүргізілді. Тұрғын үй құрылысының қарқыны 15% - ға өсіп, сауда, туризм және қызмет көрсету саласында 12 жаңа бизнес жоба пайда болды. Биыл мұнда халықтың әлеуметтік осал топтарында кезекте тұрған азаматтарға 150 пәтер беріледі. Сондай-ақ, 100 пәтер Отбасы Банк арқылы берілетін болады. Бұған қоса, ТКШ саласында бірнеше ірі жобаны іске асыру міндеті тұр.

Қала тұрғындары тарапынан сумен жабдықтау бойынша шағымдар аз емес. Бұл мәселе қала жұртшылығымен кездесуде және азаматтарды жеке қабылдау барысында белсенді талқыланды.

Биыл Балқашта 30 км су құбыры желілерін қайта жаңғыртамыз. Бұл апаттар санын азайтып, су беру сапасын жақсартады. Сондай-ақ Тоқырау-Саяқ су тартқышын жөндеуді жалғастырамыз. Сонымен қатар, Қазақмыс Шұбартөбе мен Тораңғылықтағы су құбыры және кәріз желілерінің құрылысына ЖСҚ әзірлеуде. Қоңыратта орамішілік жылу желілерін жүргізуге кірісеміз, ал Саяқта көшелер жарықтандырылады.

Жолдарды жөндеуге келетін болсақ, желілерді қайта құруға байланысты бірнеше көшелерде орташа жөндеу жұмыстары жүргізіледі. Олардың ішінде қала тұрғындары шағымданған проблемалық Абай учаскесі де бар.

Жалпы, осы жылға арналған қала бюджетінің шығыстары әлеуметтік қолдау жүйесін дамыту, тиімді жұмыспен қамту деңгейін арттыру, көпбалалы, аз қамтылған отбасылар мен халықтың басқа да әлеуметтік осал топтары үшін тұрғын үйге қолжетімділікті арттыруға бағытталатынын айтқым келеді.

Кездесуде айтылған барлық мәселелерді өз бақылауыма алдым. Егер тұрғындарда кездесу кезінде қойып үлгермеген сұрақтар бар болса, онда осы посттың астына жаза кетіңіздер. Оларға әріптестерімізбен бірлесіп, міндетті түрде жауап беретін боламыз.

• 05.03.2022
• 268