Маңғыстау облысы бойынша әйелдердің үлесі

Статистикалық мәліметтерге сәйкес 2021 жылдың қорытындысымен Маңғыстау облысында 719 571 адам болса, оның ішіндегі әйелдер саны- 360 842 құрайды.
 
 
Облыста мемлекеттік қызметтегі әйелдердің үлесі  55,3%
 
2021 жылдың қорытындысы бойынша, 1449 әйел мемлекеттік қызметте еңбек етеді. Оның 370-і басшылық  лауазымдағы нәзік жандылар.
Биліктің атқарушы, өкілді және сот органдарында, мемлекеттік, квазимемлекеттік және корпоративтік секторларда шешімдер қабылдау деңгейіндегі әйелдердің үлесі 55,3%. Мысалы, өңірдегі 67 судьяның 41-і-әйелдер. Әр түрлі деңгейдегі 134 депутаттың 41-і арулар. Ал квазимемлекеттік секторда басшылық қызметте 291 әйел бар.
 
 
Маңғыстаудағы шағын бизнестің 56,7%-ға жуығы әйелдерге тиесілі
 
Өткен жылы «Бизнестің жол картасы» бағдарламасы бойынша іске қосылған 336 жобаның 178-і әйелдердің үлесінде.  Соның арқасында,  118-дан астам әйелдер басқаратын жұмыс орны ашылды. «Нұр капитал» өңірлік бағдарламасын іске асыруға да кәсіпкер арулар белсенділік танытып келеді. Нәтижесінде нәзік жандылардың күшімен 1,36 миллиард теңгеге 70 жоба ашылды. Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында  700,0 млн.теңгеге  69 шағын несие біріліп, 110 жұмыс орны құрылды, оның ішінде әйел кәсіпкерлерге 391 млн.теңгеге 42 шағын несие берілді.
«Еңбек» мемлекеттік бағдарламасы аясында  «Бастау Бизнес» жобасы бойынша 786 әйел оқуға жолданып, 147 әйел шағын несие, 523 әйел грант алды. Маңғыстау облысында 30 500 жуық мұнайшы бар. Оның 3922-ін нәзік жандылар (12,86%).
 
 
Бейбітшілік пен қауіпсіздікті қамтамасыз етудегі әйелдердің үлесі 14,6% құрайды

2021 жылдың қорытындысы бойынша, прокуратура органдарында 126 қызметкер бар болса, оның ішінде 25-і әйел азаматтары (19,8%).
ҚР Сыбайлас жемқорлыққа қарсы іс-қимыл агенттігінің Маңғыстау облысы бойынша департаментіндегі қызметкерлер саны - 49, оның ішінде әйелдер саны - 6 (14 %).
Ішкі істер департаменті қызметкерлер саны 1909, оның ішінде 200 әйел азаматтары құрайды (10,5 %)
Жергілікті әскери басқару органдарында (Қорғаныс департаменті) барлығы 178 қызметкер болса, оның ішінде әйелдер саны-100 (56,1%)
 
 
Маңғыстауда 17,5 мыңға жуық «Алтын алқа» және «Күміс алқа» иегерлері тұрады
 
Бүгінде облыста 33 мыңдай көп балалы ана бар. Жыл басынан бері 67 ана «Алтын алқа», 276 ару «Күміс алқа» иегері атанды.

• 09.03.2022
• 201