«EXPO-2020» халықаралық көрмесінде «Ақтөбе облысының күндері» өтті

10 наурыз, бейсенбі күні Дубай қаласында өтіп жатқан «EXPO-2020» халықаралық көрмесінде «Ақтөбе облысының күндеріне» арналған іс-шара Қазақстан Республикасының Біріккен Араб Әмірлігіндегі Елшілігінің қолдауымен өтті. Делегацияны Ақтөбе облысының әкімі Оңдасын Оразалин басшылық етті. Шараның өткен орны - 2021 жылы ресми түрде ашылған Қазақстан республикасының ұлттық павильоны, ол былтыр қазан айында ресми түрде ашылған болатын. Өткізілген шара аясында Ақтөбе облысының әлеуметтік-экономикалық және мәдени-туристік әлеуеті таныстырылып, өңірдің өнеркәсіптік және агроөнеркәсіптік секторындағы кәсіпорындарының өндірістік мүмкіндіктерінің, ет, ұн және макарон өнімдерінің, сонымен қатар мұнай-газ және теміржол салаларына арналған резинкалы-техникалық бұйымдардың көрмесі ​ ұйымдастырылды. БАЭ мен Ақтөбе облысының бизнес өкілдері бизнес форумға қатысып, B2B және В2G алаңдары ұйымдастырылды, онда өзаратиімді ынтымақтастықты дамытудың келешегі бар бағыттары талқыланды.

Кездесу соңында «Petromal», «New Magic LifeStyle» және «Metito» шетелдік компанияларымен ​ мұнай-газ саласындағы, сумен жабдықтау және инвестиция тартудағы ​ өзара тиімді ынтымақтастық туралы меморандумдарға қол қойылды.

• 10.03.2022
• 174