Үкімет отырысы барысында ҚР Энергетика министрі Болат Ақшолақов министрліктің халық табысын арттыру бағдарламасына қатысты ұсыныстары туралы айтты

1. Мұнай саласына қажетті жаңа өндірістер

Қазіргі уақытта «Мұнай-газ машинасын жасауды дамытудың халықаралық орталығы» жұмыс істейді, ол 3 ірі оператордың мұқтаждығы үшін жергілікті тауарларды дамыту бойынша жұмыс жүргізуде.

Орталық үш тауар тобы бойынша өндірісті оқшаулау бойынша жұмыстарды бастады: тиек арматурасы (клапандар), бақылау-өлшеу аспаптары және автоматика (БӨАжА) және электр техникалық жабдық.

35 000-нан астам тауар талданды, оның ішінде 19 тауар түрі жақын болашақта операторлар неғұрлым талап ететін тауарлар ретінде айқындалды.

Технологиялар трансферті және тауарлар өндірісін оқшаулау жөніндегі жұмыстар жалғастырылатын болады, бұл шамамен 3 мың жұмыс орнын құруға мүмкіндік береді.

2. Қазақстан аумағында ірі мұнай-газ кен орындары бойынша жобалауды кезең-кезеңмен жүргізу

Іс-шара жергілікті қамтуды дамытуға бағытталған, оның шеңберінде 2025 жылға дейін шамамен 2500 уақытша жұмыс орнын құру жоспарлануда.

3. Мұнай-газ химиясы кластерін құру

Құрылысы Атырау және Батыс Қазақстан облыстарында жүзеге асырылатын 7 жобаны іске асыруды көздейді.

2022 жылы қуаттылығы жылына 500 мың тонна полипропилен өндіретін зауытты іске қосу жоспарланған.

2021 жылы Қашағанда қуаттылығы 1 млрд.м3 болатын газ өңдеу зауытының құрылысы басталды. Құрылыстың аяқталу мерзімі 2024 жылы.

Сондай – ақ, қуаты жылына шамамен 1 млн.тонна полиэтилентерефталат, қуаты жылына 1,25 млн. тонна полиэтилен және қуаты жылына 186 мың тонна бутадиен өндіру бойынша ірі жобалар іске асырылуда.

Жоғарыда көрсетілген жобаларды іске асыру 2022 – 2025 жылдар кезеңінде 2,5 мың тұрақты және 12 мың уақытша жұмыс орындарын құруды көздейді.

4. Экономиканың орнықты даму талаптарына сай келетін энергетикалық кешенді жаңғырту

Электр қуаты нарығы шеңберінде Министрлік жасасқан 13 инвестициялық келісімді іске асыру жолымен жұмыс істеп тұрған электр станцияларын жаңғырту жүзеге асырылатын болады, 1600 МВт қосымша қуаттар іске қосылатын болады.

2025 жылға қарай елдің оңтүстік өңірлерінде маневрлік режимі бар, жиынтық қуаты шамамен 1 000 МВт бу-газ қондырғыларын салу жөніндегі жобаларды аяқтау болжанып отыр.

Сондай-ақ, 2025 жылға дейін 2400 МВт экологиялық таза энергияны іске қосу жоспарланған.

Қазақстанның біртұтас электр энергетикалық жүйесінің Батыс аймағының электр желілерін күшейту бойынша «KEGOC» АҚ Батыс Қазақстан мен Атырау облыстары арасында 220 кВ транзиттің екінші тізбегін салу жөніндегі жобаны бастады.

Сонымен қатар Алматы қаласының кабельдік желілерін қайта жаңарту жүргізілетін болады.

Көзделген іс-шаралар жаңа генерацияны құруға және тозу деңгейін 66% - дан 62,7% - ға дейін төмендетуге, сондай-ақ 21 мыңнан астам жұмыс орнын (1 008 тұрақты/20 000 уақытша) құруға мүмкіндік береді.

• 11.03.2022
• 220