ҚР Энергетика министрлігі: электр энергиясының жаңа тұтынушыларын іске қосу өлшемшарттары туралы

2035 жылға дейінгі Энергетикалық теңгерім шеңберінде жаңа тұтынушыларды енгізу мынадай өлшемшарттар:

- «KEGOC» акционерлік қоғамы, өңірлік электр желілік компаниялар ұсынған электр желілеріне қосуға берілген техникалық шарттар бойынша;

- Индустрия және инфрақұрылымдық даму министрлігінің деректері бойынша 2021-2035 жылдар кезеңінде жоспарланатын және іске асырылатын жобалар туралы ақпарат;

- кәсіпорындардың меншік иелерінің, арнайы экономикалық аймақтардың басқарушы компанияларының және әкімдіктердің деректері бойынша жоспарлануда.

Естеріңізге сала кетсек, Мемлекет басшысы Қасым-Жомарт Тоқаевтың тапсырмасы бойынша 2035 жылға дейінгі энергетикалық теңгерім әзірленді, оның шеңберінде электр энергиясын өндіру мен тұтынудың болжамды көрсеткіштерін, жаңа генерациялайтын қуаттарды іске қосудың қажетті көлемі мен құрылымын есептей отырып, энергетикалық кешенді дамытуды модельдеу орындалған болатын.

Сондай-ақ, жоғарыда аталған респонденттерден басқа, облыстардың әлеуметтік-экономикалық дамуының кешенді жоспарлары мен аумақтарды дамытудың 2021-2025 жылдарға арналған бағдарламаларының құрамында «Атамекен» ҰКП-дан жаңа тұтынушылар мен ірі тұтынушылар туралы ақпарат назарға алынды.

Экономика мен халықтың қажеттілігін жабу үшін 2035 жылға қарай 17,5 ГВт жаңа генерация қажет болады.

• 14.03.2022
• 235