Маңғыстаудағы Отпан Таудың басында Бірлік оты жағылды

13 наурызда "Адай ата-Отпан тау" тарихи - мәдени кешенінде бірлік алауын жағу рәсімі өтті, деп хабарлайды Маңғыстау облысы әкімінің баспасөз қызметі.

Өңір басшысы Нұрлан Ноғаев барлық маңғыстаулықтарды айтулы мерекемен құттықтап, келісіммен мен бірлікке, Отанға деген махаббатқа үндейтін "бірлік отының" мән мағынасын атап өтті.

- Отпан таудың басында алау ең алдымен  халқымыздың бостандығы мен тәуелсіздігі жолында жанын берген ата-бабаларымыздың рухына тағзым ету үшін жағылады. Ол халықтың бірлігін білдіреді. Ел президенті Қасым-Жомарт Тоқаев айтқандай, тәуелсіздігімізді жариялай отырып, біз ата-бабаларымыздың сан ғасырлық арманын орындадық. Ежелден жаңару мен жасампаздықтың бастауы, ел мен бірліктің, игілік пен өркендеудің тірегі болған біздің жолымыз елімізге табыс әкелсін. Бүгінгі "бірлік оты" біздің бірлігіміздің символына айналсын. Руға, жүзге, ұлтқа бөлінбей-бәріміз ортақ Отанымызға адал қызмет етеміз. Амал Мерекесі құтты болсын! Біздің бірлігіміз мықты,ал тәуелсіздігіміз мемлекеттің мәңгілік негізі болсын, - деді облыс әкімі Нұрлан Ноғаев.

Амал мерекесі үлкен рухани мағынаға ие. Бұл уақытта тұрғындар ата-баба рухына қыстан аман-есен шыққаны үшін алғыс айтады.  Бір-бірін көктемнің келуімен құттықтап, реніштерін кешіреді.

Ал Маңғыстаудың ең биік нүктесінде от жағу дәстүрі үлкен тарихи мағынаға ие. Жау жақындағанда жауынгерлерге белгі беру үшін ота жағылған. 2008 жылдан бастап Отпан Тауда Амал мерекесі тойлана бастады. Содан бері от мереке кезінде, ата-бабаларын еске алу үшін жағылады. Ол халықтың бірлігін білдіреді. 

Шара барысында қаңтар оқиғасында қаза тапқан азаматтардың рухына құран бағышталды. Сондай-ақ өңір ақсақалдары халқымызды бірлікке, татулыққа шақырып,   қазақстандықтарға үндеу жасады.

• 15.03.2022
• 197