Мемлекет басшысы Қ.К. Тоқаев Ақмола облысының әкімі Ермек Маржықпаевтың Президент тапсырмаларын іске асыру туралы есебін тыңдады. Ақмола облысының әкімі облыстың екі айдағы әлеуметтік-экономикалық дамуының оң қорытындылары туралы баяндады.

Мемлекет басшысы Қ.К. Тоқаев Ақмола облысының әкімі Ермек Маржықпаевтың Президент тапсырмаларын іске асыру туралы есебін тыңдады.  
Ақмола облысының әкімі облыстың екі айдағы әлеуметтік-экономикалық дамуының оң қорытындылары туралы баяндады. Инвестициялар мен тұрғын үй құрылысының өсу қарқыны бойынша жетекші позициялар сақталды.
Бұдан әрі егіс науқанына дайындық жұмыстарының барысы туралы баяндалды. Облыс тұқым материалдарымен толық қамтамасыз етіліп, минералды тыңайтқыштарды жеткізу бойынша шарттар жасалды, арзандатылған отын бөлінді, Ауыл шаруашылығы техникасын дайындау аяқталды.  
Сондай-ақ, Е.Маржықпаев Нұр-сұлтан қаласы мен Атбасар ауданында су тасқынына қарсы іс-шараларға дайындық және елорданың қала маңы аймағын, атап айтқанда Қосшы қаласын дамыту перспективалары туралы хабардар етті.
 Мемлекет басшысы халықпен жиі кездесулердің, халықты жүйелі түрде қабылдаудың және өңірлердің азаматтарын толғандыратын проблемаларды уақтылы шешу қажеттігінің маңыздылығын атап өтті.
Қасым-Жомарт Тоқаев көктемгі егіс науқанына дайындықты жандандыруды және ағымдағы жобаларды іске асыруды жалғастыруды тапсырды.

• 16.03.2022
• 219