Болат Ақшолақов Қазақстандағы мұнай саласының 2021 жылғы негізгі көрсеткіштері мен 2022 жылға арналған жоспарлары туралы айтты

2022 жылғы 18 наурызда ҚР Энергетика министрі Болат Ақшолақов ҚР Энергетика министрлігінің кеңейтілген алқа отырысында Қазақстандағы мұнай саласының өткен жылғы негізгі көрсеткіштері және 2022 жылға арналған жоспарлары туралы айтты.

2021 жылдың қорытындысы бойынша мұнай өндіру көлемі 85,9 млн.тоннаны, Мұнай өндірудің 2022 жылға арналған жоспары  87,5 млн. тоннаны құрады.

2021 жылдың қорытындысы бойынша мұнай экспорты –  67,6 млн. тонна. 2022 жылға жоспар 69 млн.тоннаны құрайды.

2021 жылдың қорытындысы бойынша мұнай өнімдерін өндіру 12,7 млн. тоннаны құрады.

Ведомство басшысы атап өткендей, Теңіз, Қарашығанақ және Қашаған үш ірі мұнай-газ жобасы – еліміздің мұнай өндіру көшбасшылары болып қалады. Бұлар ел экономикасының өркендеуіне зор үлес қосуда.

2021 жылдың қорытындысы бойынша Теңіз жобасында 2021 жылы мұнай өндіру 26,5 млн. тоннаны құрады.

Қашаған кен орнында мұнай өндіру көлемі 2021 жылдың қорытындысы бойынша 16,2 млн. тоннаны құрады.

Қарашығанақ кен орнында мұнай өндіру көлемі 11,5 млн.тоннаны құрайды. 2022 жылға жоспар – 13,3 млн. тонна.

Сондай-ақ Президенттің тапсырмасына сәйкес Энергетика министрлігінің бұйрығымен 180 күн мерзімге мұнай өнімдерін бөлшек саудада өткізуге шекті бағалар (қосылған құн салығын ескере отырып) келесі деңгейде белгіленді:

1) АИ-92 маркалы бензин – литріне 182 теңге;

2) АИ-93 маркалы бензин – литріне 182 теңге;

3) АИ-95 маркалы бензин – литріне 215 теңге;

4) дизель отыны (жазғы, маусымаралық) – өңірлерге байланысты литріне 230-260 теңге құрайды.

- Сонымен қатар Президенттің «Жаңа Қазақстан: жаңару және жаңғырту жолы» атты жолдауы аясында шаруаларды жанар-жағармай материалдарының қажетті көлемімен қолайлы баға бойынша қамтамасыз ету жұмыстары жүзеге асырылатын болады.

Бүгінгі таңда ауыл шаруашылығы тауарын өндірушілердің көктемгі егіс жұмыстарын уақтылы және тұрақты жүргізуі үшін мұнай өңдеу зауыттарына 1 тоннасына 212 мың теңге бағасымен  400 мың тонна дизель отыны (176 теңге/литр) бөлінді.

• 18.03.2022
• 203