Болат Ақшолақов Қазақстан газ саласының негізгі көрсеткіштері туралы айтты

2022 жылғы 18 наурызда ҚР Энергетика министрі Болат Ақшолақов ҚР Энергетика министрлігінің кеңейтілген алқа отырысында Қазақстанның өткен жылғы газ саласының негізгі көрсеткіштері және 2022 жылға арналған жоспарлары туралы баяндады.

2021 жылы газ өндіру көлемі 53,8 млрд.м3 құрады, 2022 жылға арналған жоспар – 54,5 млрд. м3  құрайды. 29,4 млрд.м3 тауарлық газ өндірілді,  2022 жылға жоспар – 29,6 млрд. м3.

Газ экспорты - 7,2 млрд.м3, 2022 жылға арналған газ экспортының күтілетін көлемі – 5 млрд. м3.

2022 жылғы 1 қаңтардағы жағдай бойынша елді газдандыру 57,7% немесе 11 млн. адам газға қол жеткізді.

Өңірлерді дамытуға арналған трансферттері шеңберінде ағымдағы жылы газ инфрақұрылымы құрылысының 96 жобасын іске асыру, 59 елді мекенді газбен қамтамасыз ету үшін 38 объектіні аяқтау жоспарланып отыр.

Сонымен қатар 2022 жылы жұмыс істер тұрған «Бейнеу-Жаңаөзен» газ құбырын күрделі жөндеуді бастау, сондай-ақ «Мақат-Солтүстік Кавказ» және «Бейнеу-Жаңаөзен» газ құбырларының параллель желілерін салу жоспарлануда.

Жоғарыда көрсетілген жобаларды іске асыру энергетикалық қауіпсіздікті және елдің батыс өңірлерін дамыту үшін қосымша газ көлемін тасымалдауды қамтамасыз етеді.

Маңғыстау облысында туристік кластерді дамыту үшін ағымдағы жылы «Сарша» аймағын және «Жылы жағажай» курорттық аймағын газдандыруды аяқтау жоспарланып отыр. Бұл Каспий теңізінің жағалауында туристік кластерінің 10-нан астам объектісін газбен қамтамасыз етуге мүмкіндік береді.

• 18.03.2022
• 182