Қазақстанда жер қойнауын пайдалану құқығын беру бойынша аукцион өткізуге арналған өтініштерді қабылдау басталды

Жер қойнауы құқығын алуға мүдделі барлық тұлғалар аукцион өткізуге арналған өтінішті «Ақпараттық-есептеу орталығы» АҚ электрондық аукциондар операторының сайтында бере алады (сілтеме: www.gosreestr.kz). 

Қазақстан Республикасының  Энергетика министрлігімен келісілген Қазақстан Республикасының  Индустрия және инфрақұрылымдық даму министрлігінің 2022 жылғы  7 ақпандағы бұйрығымен Мемлекеттік жер қойнауы қорын басқару бағдарламасы бекітілді, оған аукцион негізінде жер қойнауын пайдалану құқығын беру үшін 60 жер қойнауы учаскесі енгізілген.

Аукцион негізінде көмірсутектер бойынша жер қойнауын пайдалану құқығын берудің шарттары мен тәртібі «Жер қойнауы және жер қойнауын пайдалану туралы» ҚР Кодексінің (бұдан әрі – Кодекс)    94-99-баптарында және Көмірсутектер бойынша жер қойнауын пайдалану құқығын беруге арналған электрондық аукциондар операторының интернет-ресурсын пайдалана отырып, электрондық нысанда аукцион өткізу қағидаларында (ҚР Энергетика министрлігінің 2020 жылғы 30 шілдедегі  № 269 бұйрығы) көзделген.

Аукцион өткізуге арналған өтініш Кодекстің 94-бабының
1-тармағына сәйкес Мемлекеттік жер қойнауы қорын басқару бағдарламасына енгізілген жер қойнауы учаскелері бойынша қабылданады (сілтеме:   https://www.gov.kz/memleket/entities/energo/documents/details/281593?lang=kk).

Аукционды өткізуге арналған өтініштер қаралғаннан кейін ҚР Энергетика министрлігінің ресми интернет-ресурсында көмірсутектер бойынша Жер қойнауын пайдалану құқығын беруге арналған электрондық аукцион өткізу туралы хабарлама (бұдан әрі – Хабарлама) жарияланады.

Хабарламада сіздер мынадай ақпараттармен таныса аласыздар: географиялық координаттар, қол қойылатын бонустың бастапқы мөлшері, барлау кезеңінде жер қойнауы учаскесіндегі жұмыстардың көлемі мен түрлері бойынша ең төменгі талаптар және олардың бағалау құны туралы, сондай-ақ аукционға қатысуға өтініштер беру мерзімдері, аукционды өткізу күні мен уақыты.

Аукционға қатысуға арналған өтініштер ҚР Энергетика министрлігінің сайтында хабарлама жарияланған күннен бастап 2 ай ішінде қабылданады (Кодекстің 95-бабының 4-тармағы). Аукционды өткізу күні хабарламада көрсетіледі.

Өтініштерді қалыптастыру және беру үшін жеке және заңды тұлғаларға электрондық-цифрлық қолтаңба қажет екенін қосымша хабарлаймыз.

 2021 жылғы 1 желтоқсаннан бастап көмірсутектерді барлау және өндіру құқығына арналған онлайн-аукциондарға қатысуға ниет білдірген әлеуетті шетелдік инвесторлар Қазақстан Республикасының                                10 шетелдік мекемесінде (Абу-Даби, Бішкек, Вашингтон, Мәскеу, Нью-Йорк, Санкт-Петербург, Сеул, Стамбул, Прага, Майндағы Франкфурт) жеке тұлға ретінде «бір өтініш» қағидаты бойынша ЖСН мен ЭЦҚ ала алады.

Шетелдік мекемелердің мекенжайлары мен телефондары                        ҚР Сыртқы істер министрлігінің сайтында «Қазақстанның шетелдік мекемелері» деген бөлігінде қолжетімді.

Қазақстан Республикасының аталған шетелдік мекемелерінің бірінде «бір өтініш» қағидаты бойынша көрсетілген қызметті алу үшін:

- паспортты (түпнұсқа, жеке басын сәйкестендіру үшін);

- паспорттың электрондық көшірмесін (pdf форматында);

- ТАӘ-нің кириллицаға, қажет болған жағдайда латын әліпбиіне нотариалды куәландырылған аудармасының электрондық көшірмесін (pdf форматында);

- USB-flash жинақтағышын (ЭЦҚ кілтін сақтау үшін) ұсыну қажет (консулға).

Қызмет көрсету мерзімі – 2 жұмыс күні, тегін.

Осы баспасөз хабарламасы Энергетика министрлігі өткізетін жер қойнауын пайдалану құқығын беруге арналған аукционға қатысуға ниет білдірушілердің барлығын хабардар ету мақсатында жарияланады.

Барлық мәселелер бойынша мына телефондарға хабарласуға болады:               8 (7172) 78-68-95, 78-69-48.

• 18.03.2022
• 174