Жеті дарынды отбасы

Көктемгі жаңару мерекесі қарсаңында өңір басшысы Ермек Маржықпаев Көкшетау неке сарайында өткен "Өнерлі шаңырақ" облыстық фестивалінің жеңімпаздарын құттықтады.

Мәдени мұраны насихаттау және көркемөнерпаздар өнерін дамыту мақсатында ұйымдастырылған байқауға облыс аудандарынан 14 отбасылық ансамбль қатысты.

Байқау қорытындысы бойынша жеті талантты музыкалық ұжым финалға шықты. Марапатталғандардың арасында Аршалы ауданынан Тасболатовтар, Қосшы қаласынан Кемеңгеровтар, Зеренді ауданынан Нәсібуллиндер, Көкшетаудан Біржановтар, Қорғалжын ауданынан Құсайыновтар, Көкшетаудан Белгібаевтар және Красный Яр ауылынан Дәмелғазы отбасы бар.

Барлық қатысушылар дипломдар мен естелік сыйлықтар алды.

• 19.03.2022
• 195