Наурыз мейрамы күні бірқатар ақтөбелікке мемлекеттік марапаттар берілді

 Наурыз мейрамы күні ҚР Президентінің Жарлығымен бірқатар ақтөбелік қоғамдағы бірлік пен бейбітшілікті сақтауға үлес қосып, қоғамдық қызметке белсенді ат салысқаны үшін мемлекеттік мадақтармен марапатталды. Марапатталғандардың ішінде өндірістік сала, мәдениет өкілдері, қоғам қайраткерлері бар.
Марапаттарды облыс әкімі Оңдасын Оразалин 22 наурыз күні табыс етті. 

"Құрмет" орденін "Ембі - жылу" коммуналдық мемлекеттік кәсіпорын директоры Берік Нұртаев, «Мерген ЛТД» ЖШС директоры Денис Степнов, "Көкпар" Ақтөбе облыстық федерациясының президенті Фархат Сансызбай, "Ұлт тағдыры" қоғамдық бірлестігінің мүшесі Сұлтанбек Ташкенбай иеленсе, "Ақ жүрек" еріктілер тобының басшысы Қаракөз Қалназарова, облыстық филармонияның кітапханашысы Ақтоты Нетуллина, «Ақтөбе қайырымды жандары» еріктілер қозғалысының мүшесі Еламан Байғозин, педагог-ерікті, "Еріктілер лигасы" облыстық филиалының төрағасы Нарқозы Қартжан "Шапағат" медалімен марапатталды. Ақтөбе қаласының әкімі Асхат Шахаров, «Елсана Аманат»  қоғамдық қорының президенті Серік Ерғали ҚР Президентінің алғыс хатын алды.

• 22.03.2022
• 157