Маңғыстау облысында Наурыз мерекесі тойлана бастады

Бүгін, 19 наурызда облыс әкімі Нұрлан Ноғаев облыс орталығы Ақтау қаласына коммуналдық қызмет көрсететін «Каспий жылу, су арнасы» мемлекеттік мекемесі мен  «Жанұя» отбасын қолдау орталығына барып, ұжымды Наурыз мерекесімен құттықтады, деп хабарлайды облыс әкімінің баспасөз қызметі.

Наурыз мерекесі қарсаңында аймақ басшысы Нұрлан Ноғаев «Каспий жылу, су арнасы» МКК-нің ұжымымен кездесті. Кәсіпорын жергілікті инфрақұрылымның жылу, су шаруашылығы және кәріздік салаларында тіршілікті қамтамасыз ету жүйелерінде жұмыс істейді.

Өңір басшысы өңірдегі барлық коммуналдық қызмет саласында еңбек ететін жұмысшыларды  келе жатқан ұлыстық ұлы күні Наурыз мейрамымен  құттықтап, еңбектеріне алығысын жеткізді.

- Коммуналдық қызмет саласында жұмыс істейтін қызметкерлерді айтулы мерекемен шын жүректен құттықтаймын! Біз коммуналдық қызметтердің аймақ үшін қаншалықты маңызы екенін жақсы түсінеміз және жауапкершіліктің ауыртпалығы сіздірге түсетінін білеміз. Мен сіздердің еңбектеріңізге, кәсіби шеберліктеріңіз бен жауапкершіліктеріңізге шынайы ризашылығымды білдіріп, ж
алғысымды айтамын. Біздің облыс әдемі және жайлы болуы, оның тұрғындары қандай жағдайда өмір сүретіні бүгінгі сіздің күнделікті жұмысыңызға тікелей байланысты. Қаланың қозғалысы, көңіл-күйі мен әлеуметтік жағдайы сіздерге толықтай байланысты. Әрқайсыңыздың қызметіңіз маңызды және қажет.
Мемлекет басшысы Қасым-Жомарт Тоқаев өзінің әр жолдауында  елдің бірлігі мен ынтымағын тілге тиек етіп келеді. Қасиетті Маңғыстау жері  қазақи қаймағы бұзылмаған киелі мекен. Ата-бабаларымыздың  салып берген сара жолын  балаларымыздың бойынада сіңіріп, заманға сай білімді, білікті, бәсекеге қабілетті  етіп өсіру біздің азаматтық борышымыз. Әр отасына бекере, бақыт тілеймін,- деді Нұрлан Ноғаев.

Сонымен қатар, облыс әкімі Ақтау қаласы әкімдігінің «Жанұя» отбасын қолдау орталығына барып, аналарды мерекемен құттықтады.  

«Жанұя» орталығы көп балалы, толық емес, аз қамтылған, мүгедек балаларды тәрбиелеп отырған отбасыларды қолдау мақсатында жұміс істейді.   
Мұнда аналарға кешенді консультациялық көмек пен психологиялық қолдау көрсетіледі. Орталық жанын тігін шеберханасы ашылып, онда  6 көп балалы ана мен мүгедек ана тігінші қызмет етеді.

• 24.03.2022
• 163