Қосымбаев Т.Е.
ҚР ҰЭМ Табиғи монополияларды реттеу комитетінің төрағасы
ҚР ҰЭМ Табиғи монополияларды реттеу комитетінің алқа отырысы өтті
11 наурызда ҚР Ұлттық экономика министрлігінің басшысы Әлібек Қуантыровтың төрағалығымен ҚР ҰЭМ Табиғи монополияларды реттеу комитетінің алқа отырысы өтті.
Комитеттің алқа отырысында табиғи монополиялар саласына қатысты өзекті мәселелер, сондай-ақ тарифтік ведомствоның 2022 жылға арналған міндеттер талқыланды.
ТМРК төрағасы Асан Дарбаев ведомствосының 2021 жылғы жұмыс қорытындыларымен және 2022 жылға арналған міндеттермен таныстырды.
Ол коммуналдық қызметтер тарифтерінің негізді өзгеруіне қатысты атқарған жұмысы туралы хабарлады.
Бұдан әрі Асан Дарбаев Мемлекет басшысының тапсырмаларының орындалуы туралы, оның ішінде 2022 жылғы 1 шілдеге дейінгі мерзімге реттелетін коммуналдық қызметтерге тарифтерді өсуіне мораторий енгізу туралы, елдің бірқатар өңірлеріндегі кірме жолдар қызметтеріне тарифтерді төмендету туралы, сондай-ақ ТМС сатып алуды электрондық форматқа ауыстыру туралы баяндады.
Сондай-ақ, тарифтік ведомство басшысы монополист-субъектілердің тариф белгілеу процесінің ашықтығына тоқталды.
«Қазіргі таңда «Монополист» базасын жетілдіру бойынша жұмыстар жүргізіліп жатыр, бұл әрине тарифтік реттеудің барлық процесінің ашықтығына әсер етеді», - деп атап өтті Асан Дарбаев.
Сөз соңында, ТМРК басшысы ағымдағы жылы тарифтік ведомствоның алдына қойылған міндеттерді атап өтті.
Содан кейін, 2022 жылға арналған инфляция дәлізін және ҚР Әкімшілік рәсімдік-процестік кодексінің нормаларын сақтау туралы тарифтік ведомство төрағасының орынбасары Нұрлан Жалғасбаев сөз сөйледі.
Алқа барысында басқарма басшылары да сөз сөйлеп, Комитеттің аумақтық бөлімшелері рейтингінің қорытындылары, ТМРК-ның бақылау функцияларын іске асыру туралы, сыбайлас жемқорлыққа қарсы құқық бұзушылықтардың алдын алу және Әдеп кодексінің талаптарын сақтау жөніндегі шаралар туралы баяндалды, тіпті БАҚ-пен және жұртшылықпен жұмыс атап өтілді.
Алқа отырысының қорытындысы бойынша Ұлттық экономика министрлігінің басшысы тарифтік ведомствоның дұрыс және теңдестірілген тарифтік саясатты жетілдіру және осы үшін қойылған міндеттерді сапалы орындау жөніндегі жұмысты одан әрі қамтамасыз етуі бойынша бірқатар тапсырмалар берді.
- 24.03.2022
- 231
