Құрметті шығысқазақстандықтар!

Сіздерді Ұлыстың ұлы күні - Наурыз мерекесімен шын жүректен құттықтаймын! Наурыз - жыл басы. Рухани тазару мен үйлесімнің, бейбітшілік пен берекенің символына айналған Наурыз мейрамы көп ұлтты еліміздегі барша ұлыстың бірлігін бекемдей білді. Наурыз-бұл жаңа жылдың, жаңа бастамалар мен ізгі ұмтылыстардың бастауы. Осы ретте бүгін еліміздің Президенті Қасым-Жомарт Кемелұлы Тоқаевтың атынан еліміздің дамуына қосқан үлесі мен белсенді қоғамдық қызметі үшін өңір тұрғындарына мемлекеттік наградаларды табыс еттім.
Жаңару мен жасампаздықтың бастауы, ырыс пен берекенің арқауы болған әз-Наурыз отбасыларыңызға бақыт, денсаулық, табыс әкелсін! Игі арман-тілектеріміз орындалып, бақ-берекеміз арта берсін. Еліміздегі ұлтаралық татулық пен халықтар достығы нығая түссін!
Ұлыс оң болсын!

• 24.03.2022
• 249