Өңірде цифрландыру мен IT-технологияларды дамыту мәселесі бойынша кеңес өткіздім

Өңірде цифрландыру мен IT-технологияларды дамыту мәселесі бойынша кеңес өткіздім. Бірінші кезектегі мәселе - ауылдық елді мекендерді кең жолақты және мобильді интернетпен қамтамасыз ету. Осы бағыт бойынша қолданыстағы республикалық Жол картасынан басқа, 2022 жылдың қаңтарында біз өзіміздің арнайы бағдарламамызды әзірледік. Бүгінгі таңда 683 ауыл интернетке қосылған, оның ішінде жылдамдығы 8 мбит/с және одан жоғары 201-і ғана. Өзге елді мекендерде ол 5 мбит/с аспайды, қалалар мен аудандардың әкімдері әрбір елді мекеннің атауын және интернеттің шекті жылдамдығын көрсете отырып, барынша нақты карта жасауы тиіс. "250+" бағдарламасы аясында біздің ұялы операторлар мобильді интернетпен қамтамасыз етуге дайын, бізден 58 антенна-діңгек құрылысын орнату талап етіледі. Жергілікті атқарушы билік органдарына 10 күндік мерзімде ЖСҚ әзірлеп, АМС орнату үшін жер телімдерін анықтауды тапсырдым. Айта кету керек, өңірдің 103 ауылында интернетке қолжетімділік жоқ, демек, әлеуметтік және экономикалық бағдарламаларға қолжетімділік те жоқ, бұл мәселені дәл қазір шешу қажет. Біріншіден, біз интернетті мүлдем жоқ жерде өткіземіз. Сондай-ақ биыл біз осы бағыттағы IT-мамандар үшін 15 грант бөлеміз.

• 30.03.2022
• 257