Қазақстанның ішкі нарығына сұйытылған газдың шекті бөлшек сауда бағасы қаңтар айындағы белгіленген деңгейде қалды

2022 жылғы 1 сәуірде ҚР Энергетика министрінің «Қазақстан Республикасының ішкі нарығына сұйытылған мұнай газын беру жоспары шеңберінде тауар биржаларынан тыс өткізілетін сұйытылған мұнай газының шекті бағаларын бекіту туралы» бұйрығы (сілтеме: http://zan.gov.kz/client/#!/doc/165759/kaz) күшіне енеді.

Қабылданған бұйрыққа сәйкес сұйытылған газдың шекті бағасы 2022 жылғы 2-тоқсанда ағымдағы деңгейде белгіленеді және 28 000,00 тг/т (ҚҚС-сыз) құрайды.

2022 жылдың қаңтарында Мемлекет Басшысы Қасым-Жомарт Тоқаевтың тапсырмасына сәйкес елдегі әлеуметтік-экономикалық жағдайды тұрақтандыру үшін ҚР Бәсекелестікті қорғау және дамыту агенттігінің (ҚР БҚДА) бұйрығымен Қазақстанда автогаз құю станцияларында автокөліктерге жанармай құю үшін 180 күнге (ҚҚС қоса алғанда) сұйытылған газдың шекті-бөлшек сауда бағасы белгіленгенін еске саламыз. ҚР БҚДА бұйрығына сәйкес өңірлердегі сұйытылған мұнай газының бөлшек сауда бағасы ҚҚС-пен литріне 50-ден 75 теңгеге дейін (ҚР БҚДА бұйрығына сілтеме: https://adilet.zan.kz/kaz/docs/V2200026362) құрады.

• 31.03.2022
• 233