Қ. К. Тоқаевтың Қазақстан халқына Жолдауын талқылау аясында «Жаңа Қазақстанды құрудағы жастардың рөлі» тақырыбында талдамалы дискурс өтті

2022 жылғы 30 наурызда Мемлекет басшысы Қ.К. Тоқаевтың Қазақстан халқына арнаған «Жаңа Қазақстан: жаңару және жаңғыру жолы» Жолдауын талқылау бойынша республикалық жастар ұйымдары, өңірлік Жастар ресурстық орталығы басшыларының, сарапшылардың және «Жастар» Ғылыми-зерттеу орталығы өкілдерінің қатысуымен «Жаңа Қазақстанды құрудағы жастардың рөлі» тақырыбында талдамалық дискурс өтті.

Қазақстан Республикасы Ақпарат және қоғамдық даму министрлігі Жастар және отбасы істері комитетінің төрағасы Ш.А. Байманов отырысты аша отырып, Президенттің Қазақстан халқына Жолдауын іске асыру жөніндегі Ұлттық іс-қимыл жоспарын тиімді іске асырудың маңыздылығын атап өтті, оның шеңберінде ақпарат, адам құқықтары және басқа жүйелі мәселелерді шешу бойынша нақты шаралар әзірлеу тапсырылды.

Кеңес барысында «Жастар» ҒЗО директоры А. Е. Искаков өз сөзінде жастардың қоғамның барлық салаларына қатысуын кеңейту қажеттілігі туралы айтты.

«Жолдау өте маңызды саяси реформаларға толы болды. Жастар өз істерімен, шешімдерімен жаңа Қазақстанды құруда» - деп атап өтті Президент жанындағы Қазақстан стратегиялық зерттеулер институтының бөлім басшысы И. С. Рыстина.

«Рухани Жаңғыру» ҚРЖИ сарапшысы А.К. Сакошев жастар саясатының өзекті мәселелерін шешуде өңірлердегі мәслихаттардың рөлін қайта қарау мәселесіне тоқталды.

Өз кезегінде, «AMANAT» партиясы қоғамдық саясат Институты директорының орынбасары Д.Т. Садвакасованың айтуынша, Жолдау жастарды саяси процеске көбірек тартуға түрткі болды, өйткені жаңа Қазақстанды құру бірінші кезекте жастардың мойнына жүктелуі тиіс.

Талқылау қорытындысы бойынша жастар ұйымдарының өкілдері өңірде сараптамалық алаңдар өткізуді ұсынды.

• 05.04.2022
• 224