2022 жылғы 1 тоқсандағы Қазақстанның мұнай-газ саласының жағдайы туралы

Алдын ала деректер бойынша, 2022 жылғы 1 тоқсанда мұнай және конденсат өндіру көлемі 22,7 млн.тоннаны немесе 2021 жылдың ұқсас кезеңіне 107,6%-ды құрады (Жоспарға – 101,7%).

2022 жылғы 1 тоқсанда 17,6 млн. тонна мұнай экспортталды, бұл 2021 жылдың сәйкес кезеңімен салыстырғанда 5,3%-ға артық.

15 млрд.текше метр газ өндірілді, бұл өткен жылдың сәйкес кезеңіне қарағанда 8,2%-ға өскенін көрсетеді (Жоспарға – 101,6%).

Тауарлық газды ішкі тұтыну көлемі 6,7 млрд. текше метрді құрады, бұл көрсеткіш өткен жылдың сәйкес кезеңіне 100,9%-ға орындалды (Жоспарға – 104,4%).

1,4 млрд. текше метр тауарлық газ экспортталды, бұл өткен жылдың сәйкес кезеңіне 66,7%-ды құрайды (Жоспарға – 82,4%).

Сұйытылған мұнай газын өндіру көлемі 717 мың тоннаны құрады, бұл өткен жылдың сәйкес кезеңіне 87,1%-ды құрайды (Жоспарға – 97,9%).

2022 жылғы 1 тоқсан қорытындылары бойынша шамамен 3,4 млн. тонна мұнай өнімдері өндірілді немесе өткен жылдың ұқсас кезеңіне 107,5% (Жоспарға – 99,5%), оның ішінде:

- автобензин бойынша көрсеткіш 1,2 млн. тоннаны құрады, өткен жылға – 102,9% (Жоспарға – 91,6%);

- дизель отынын өндіру көлемі 1,2 млн.тоннаны құрады, өткен жылға – 110,5% (Жоспарға – 103,8%).

Бүгінгі күні Энергетика, Қаржы министрліктері мен Ұлттық қауіпсіздік комитетінің бірлескен бұйрығы бар екендігін атап өткім келеді, оның шеңберінде бензиндерді, дизель отынын және мұнай өнімдерінің басқа да жекелеген түрлерін автомобиль көлігімен елден тыс жерлерге әкетуге тыйым салынды (а.ж. 21 мамырда аяқталады) және оны тағы 6 айға ұзарту туралы мәселе пысықталуда.

Бұдан басқа, Президенттің а.ж. 16 наурыздағы «Жаңа Қазақстан: жаңарту және жаңғырту жолы» атты Қазақстан халқына Жолдауы шеңберінде шаруаларды қолайлы бағамен жанар-жағармай материалдарының қажетті көлемімен қамтамасыз ету бойынша жұмыс жүзеге асырылатын болады. Көктемгі егіс жұмыстарын уақтылы және тұрақты жүргізу үшін ауыл шаруашылығы тауарын өндірушілері үшін мұнай өңдеу зауыттарында 1 тоннасына 212 мың теңге (176 теңге/литр) бағасы бойынша 400 мың тонна дизель отыны бөлінді, бұл өңірге байланысты бөлшек сауда бағасынан орта есеппен 15-30%-ға төмен.

Авиаотын бойынша көрсеткіш шамамен 170 мың тоннаны құрады, өткен жылдың ұқсас кезеңіне қарағанда 29,3%-ға өсті (Жоспарға – 107,1%).

Мазут өндірісінің көрсеткіші 750 мың тоннаға немесе өткен жылдың ұқсас кезеңіне 108,5%-ға тең (Жоспарға – 108,5%).

Мұнай-газ-химия өнімінің көлемі 82,4 мың тоннаға жетті, бұл өткен жылдың ұқсас кезеңінің көрсеткіштерінен 2 есе артық (Жоспарға – 106,2%).

• 12.04.2022
• 236