Облыста ауыл шаруашылығы өндірушілерінің және ғылым саласы өкілдерінің қатысуымен агрокеңес өтті

Кеңесте көктемгі дала жұмыстарына дайындық және ауыл шаруашылығындағы заманауи технологиялар жайлы сөз қозғалды.

Қазіргі уақытта біз шаруалардың қарқынды технологияларды белсенді енгізіп жатқанын көріп отырмыз. Минералды тыңайтқыштар мен элиталық тұқымдар көбірек қолданыла бастады, сондай-ақ заманауи, өнімділігі жоғары техникаға және цифрландыру жобаларына инвестициялар салынуда. Нәтижесінде өнімнің өндірісі мен сапасы артып келеді.

Сондықтан аграрлық секторда ғылыми технологияларды қолдануды ынталандыру үшін тиісті қолдау көрсету қарастырылған. Биыл бұл мақсатта жоғары сыныпты тұқымдарды, минералды тыңайтқыштарды, гербицидтерді субсидиялауға бюджеттен 3 млрд теңгеден астам қаржы бөлінеді.

Осы орайда облыстың барлық шаруаларын ауыл шаруашылығы саласында ғылыми әдіс-тәсілдерді белсенді қолдануға шақырамын. Бұл үшін мемлекет тарапынан тиісті қолдау көрсетілетін болады.

Сондай-ақ кеңесте басқа да өзекті мәселелер, атап айтқанда көктемгі дала жұмыстарына дайындық шаралары талқыланды. Шаруалардың мәселелерін жедел шешу үшін облыстық штаб құрылды. Оны менің орынбасарым Серік Шайдаров басқарады.

Биылғы көктемгі дала жұмыстарына 20 мыңға жуық ауыл шаруашылығы техникасы тартылады. Бұл жұмыстарға 23,6 мың тонна жеңілдетілген дизель отыны бөлінді. Бұл мәселелер бақылауда.

Сонымен қатар биылғы жылғы жоспарлар жайлы қысқаша айтып өтсем. Осы жылы астық алқаптарын 32 мың гектарға, картопты 208 гектарға, көкөністерді 166 гектарға көбірек себу жоспарланып отыр. Жалпы алғанда соңғы үш жыл ішінде дәнді және дәнді-бұршақты дақылдар алқабының 10% - ға өскенін көріп отырмыз.

• 13.04.2022
• 258