Болжамдар ақталады

Қыс жақындап келеді, синоптиктер бірнеше күн бұрын елдің солтүстік тұрғындарына Скандинавия аймақтарынан келетін циклонның әсері болатынын ескертті. Бұл күндері жаңбырдың соңы қарға ұласып, жел күшейіп, түңгі уақыттарда республиканың солтүстігінде термометр көрсеткіштері 2-7 градус язға дейін төмендеді.

Гидрометорталық шығарған дауылды ескертулер ақталуда. 21-22 қазанда Солтүстік Қазақстан, Ақмола, Қостанай, Ақтөбе, Павлодар және Қарағанды облыстары тұрғындарына жаңбырдың соңы қарға ұласып, 15-20 м/с-қа дейін жел күшейетіні туралы бірнеше дауылды ескертулер жіберілді.

Елдің солтүстік аймақтарының тұрғындары ауа райы болжамдарының қалай ақталғанына көз жеткізді. Алғашқы қар мен желдің күшеюін барлық солтүстік облыстардағы метеостанциялар тіркеді.

"Қазгидромет" РМК қазақстандықтарға жолдарда абай болуға, сапарларға шығарда болжамдармен мұқият танысуға және осы күндері мүмкіндігінше таза ауадағы іс-шараларды тоқтатуға кеңес береді.

• 23.10.2020
• 401