Бүгін жұмыс сапарымен Зайсан ауданында болып, әкімнің есебін тыңдап, бірқатар әлеуметтік нысандарды аралап, азаматтарды жеке мәселелері бойынша қабылдадым.

Бүгін жұмыс сапарымен Зайсан ауданында болып, әкімнің есебін тыңдап, бірқатар әлеуметтік нысандарды аралап, азаматтарды жеке мәселелері бойынша қабылдадым. Бұл аудан шекаралас аумақ болып табылады, агросектордың әлеуеті өте жақсы, көптеген шаруалар субсидиялау мен несиелендіру мүмкіндіктерін пайдаланған. Осы жылы біз жалғастыратын 12 жоба бар, олардың бірі - артезиан ұңғымасынан минералды су шығаратын зауыт.
Айта кетейін, Зайсан ауданындағы сегіз кент толығымен газдандырылды, әлеуметтік нысандарды газбен қамтамасыз ету мәселесі қарастырылуда. Қарқынды дамып келе жатқан ауданға балабақша керек екені сөзсіз, биыл біз оның құрылысын МЖӘ аясында бастаймыз. Сондай-ақ, екі мектептің құрылысы басталды. Зайсанда "Бір қабатты Шығыс" бағдарламасы бойынша тұтас шағын аудан салынды, сол жерде ЖТҚ телімдері қарастырылған, мен оларды газдандыру жобасын қарастыруды тапсырдым. Аудандық ауруханаға барып, мұнда дәрігерлер заманауи жабдықтармен жұмыс істейді, бірақ жарты ғасырлық ғимарат жөндеуді қажет етеді және ол биыл басталады. Халықпен кездесу аясында Интернетке қолжетімділікті қамтамасыз ету туралы дәстүрлі мәселе айтылды, барлығы облыстық бағдарлама аясында шешілетін болады. Зайсан ауданы арқылы құрылысы тұрақты бақылауда тұрған маңызды нысандардың бірі - "Омбы - Майқапшағай" трассасы.

• 15.04.2022
• 299