Ақтөбе облысында мемлекеттік бюджет кірісінің жоспары асыра орындалды

Ақтөбе облысында биылғы жылдың бірінші тоқсанының қорытындысы бойынша мемлекеттік бюджет кірісінің жоспары асыра орындалды
12 сәуір күні Ақтөбе облысының әкімі Оңдасын Оразалиннің төрағалығымен өткен жиында өңірдің 2022 жылдың бірінші тоқсаны ішіндегі
әлеуметтік-экономикалық дамуы қорытындыланды. Кездесуге қатысушылар өңірдегі өзекті мәселелерді талқылады.
Облыс әкімі барлық мемлекеттік қызметкерлердің жұмысы өңір әлеуетін тимді жүзеге асыруға, халықтың тұрмысын жақсарту үшін қосымша
мүмкіндіктер жасауға бағытталуы тиіс екенін атап өтті.
«Ақтөбе қаласы мен аудан әкімдеріне бюджет түсімдері бойынша жоспардың орындалуын қатаң бақылауда ұстауды тапсырамын, өйткені біздің халық
алдында міндетіміз бар, және біз соларды орындауымыз керек»,- деді Оңдасын Оразалин.
Айта кетейік, осы жылдың бірінші тоқсанының қорытындысы бойынша облыс бюджетіне 41,4 млрд. теңгеден астам қаражат түскен. Ақтөбе облысының
қаржы басқармасының басшысы Нұрлыбек Өнербаевтың сөзінше, түсім бойынша жоспар 20 млрд теңгеге асыра орындалған.

• 19.04.2022
• 201