Маңғыстауда сыбайлас жемқорлыққа қарсы іс-қимыл департаментінің жаңа басшысы таныстырылды

Бүгін, 19 сәуірде облыс әкімі Нұрлан Ноғаевтың төрағалығымен өткен аппараттық жиында Қазақстан Республикасы Сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің жаңа басшысы таныстырылды, деп хабарлайды облыс әкімінің баспасөз қызметі. 

Жиында өңір басшысы Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Маңғыстау облысы бойынша департаментінің жаңа басшысы Әділхан Әшірбаевты таныстырды.

Әділхан Хасымханұлы Қазақстан Республикасы ҰҚК Академиясының түлегі.

Еңбек жолын 1999 жылы ҚР ҰҚК органдарында бастаған. 2014 жылдан 2016 жылға дейін сыбайлас жемқорлыққа қарсы қызметтің Батыс-Қазақстан облысы бойынша департаментінің басшысы, 2016-2018 жылдары сыбайлас жемқорлыққа қарсы қызметтің Қызылорда облысы бойынша Департаментінің басшысы қызметін атқарған. 2018-2022 жылдары Сыбайлас жемқорлыққа қарсы қызметтің Жамбыл облысы бойынша Департаментінің басшысы болып жұмыс істеді.

• 19.04.2022
• 193