Маңғыстау облысының әкімі жыл басынан бері 1150-ден астам тұрғынды жеке мәселелері бойынша қабылдады.

Сәуірдің 20-сы күні Ақтауда «Ашық есік күні» өтті. Шара аясында облыстың кез-клген тұрғыны мемлекеттік орган өкілдеріне өздерін толғандырған сауалдарын жолдауға мүмкіндік алды, деп хабарлайды Маңғыстау облысы әкімінің баспасөз қызметі.

Шараға облыс әкімі Нұрлан Ноғаев, облыс әкімінің орынбасарлары, басқарма, департамент басшылары, сондай-ақ барлық аудан, қала әкімдері, құқық қорғау органдарының өкілдері, т.б. қатысты. 

12 сағаттқа жалғасқан «Ашық есік күніне» 687 адам келді. Оның ішінде облыс әкімі 151 азаматты жеке қабылдаса, қалған 536 тұрғын облыс әкімінің орынбасарларының, басқарма, департамент басшыларының, сондай-ақ аудан, қала әкімдерінің қабылдауында болды.

Жыл басынан бері өңір басшысы Нұрлан Ноғаев жеке мәселесімен келген облыстың 1153 азаматын жеке қабылдады. Оның 371-і аудандарға жұмыс сапары кезінде жеке қабылдауға жазылған ауылдық елді мекендердің тұрғындары.

• 21.04.2022
• 127