Ұлттық экономика министрі Гарвард университетінің өкілдерімен кездесті

Бүгін Әлібек Қуантыров Гарвард университеті жанындағы Халықаралық даму орталығы Өсу зертханасының өкілдерімен кездесті. Кездесу барысында тараптар ынтымақтастық мәселелерін талқылады. Гарвард университетінің мамандары экономикалық өсу факторын диагностикалауға бағытталған зерттеу жобасын таныстырды. Ә.Қуантыров Қазақстан Республикасының Президенті жариялаған реформалар шеңберіндегі әлеуметтік-экономикалық дамудың басым бағыттары туралы егжей-тегжейлі баяндады. Бүгінгі таңда министрлік жаңа экономикалық саясат құру, халықтың табысын арттыру, экономиканы әртараптандыру, инвестициялық ахуалды жақсарту және кәсіпкерлікті дамыту бағытында белсенді жұмыс жүргізуде. Министр адами капиталды жақсарту экономикалық дамудың маңызды факторының бірі екенін атап өтті. Бұдан басқа, Қазақстан шетелдік инвестиция тартуға ерекше көңіл бөледі. Қазіргі уақытта оларға қажетті жағдай жасалған. Өз кезегінде, Гарвард университетінің ғылыми қызметкері Джан Сойлу пікір алмасу мүмкіндігі үшін алғысын білдіріп, қазақстандық тараптың Халықаралық даму орталығының ұсыныстарын ескеретініне сенім білдірді.  Кездесу қорытындысында тараптар өзара ынтымақтастықты жандандыруға келісті.

• 21.04.2022
• 215