Түркістан ауыл шаруашылығы тауарын өндірушілеріне көктемгі дала жұмыстарына 48 мың тонна отын бөлінді

А.ж. 22 сәуірде ҚР Энергетика министрі Болат Ақшолақов Түркістан облысының тұрғындарымен кездесу барысында сөйлеген сөзінде ағымдағы жылдың қаңтар айында Мемлекет басшысының тапсырмасына сәйкес Министрліктің бұйрығымен мұнай өнімдерін бөлшек саудада өткізуге шекті бағалар 180 күн мерзімге белгіленгенін хабарлады.

Бұдан басқа, Мемлекет басшысының жанар-жағармай материалдары нарығын реформалау жөніндегі тапсырмасы бөлігінде мынадай шаралар қабылдау жоспарлануда:

- мұнай өнімдерін өндіру және бөлу саласында ашықтықты және транспаренттілікті қамтамасыз ету;

- ірі тұтынушыларда – «ҚазМұнайГаз» ҰК» АҚ базасында 150 мың тонна көлемінде және «ҚТЖ» АҚ базасында 50 мың тонна көлемінде мұнай өнімдерінің резервтерін құру;

- ҚР аумағынан автомобиль көлігімен мұнай өнімдерін әкетуге тыйым салуды 6 айға ұзарту бойынша бұйрықты қабылдау.

Сондай-ақ кездесу барысында Болат Ақшолақов көктемгі егіс жұмыстарын уақтылы және тұрақты жүргізу үшін еліміздің ауыл шаруашылығы тауар өндірушілеріне мұнай өңдеу зауыттарында бағасы 1 тоннасы үшін 212 мың теңгеден 400 мың тонна дизель отыны бөлінгенін атап өтті. Оның ішінде Түркістан облысы үшін 47,9 мың тонна дизель отыны қарастырылған, бұл елдегі бөлінген көлем бойынша Қостанай, Ақмола және Солтүстік Қазақстан облыстарынан кейінгі 4-орын.

Қазіргі уақытта ауыл шаруашылығы тауарын өндірушілер нарығын реформалау бөлігінде мынадай шаралар пысықталуда:

- байланыс деректерін, егістік жерлердің жалпы алаңын, ЖЖМ-ға қажеттілікті көрсете отырып, аумақтық бөліністе ауыл шаруашылығы тауарын өндірушілердің деректер базасын құру;

- отын бөлу үшін электронды-ақпараттық жүйені енгізу, бұл ауыл шаруашылығы тауарын өндірушілеріне мұнай өнімдерін мұнай базаларынан немесе ресурс ұстаушылардан өз бетінше сатып алуға мүмкіндік береді.

• 22.04.2022
• 124