Түркістан облысында сұйытылған газдың шекті бөлшек сауда бағасы 1 литр үшін 60 теңгені құрайды

Түркістан облысында 14-ке жуық газ желісі ұйымы мен 202 автомобильге газ құю станциясы бар, - деп хабарлады Болат Ақшолақов Түркістан облысының тұрғындарымен кездесуде сөйлеген сөзінде.

А.ж. қаңтарда Мемлекет басшысының тапсырмасына сәйкес Бәсекелестікті қорғау және дамыту агенттігі сұйытылған газдың шекті бөлшек сауда бағаларын мемлекеттік реттеуді белгіледі және бекітті, оған сәйкес Түркістан облысында сұйытылған мұнай газының шекті бөлшек сауда бағасы 1 литр үшін 60 теңгені құрайды.

Облыста сұйытылған мұнай газын тұтыну 2021 жылы 154,3 мың тоннаны құрады. Ағымдағы жылдың қаңтар-наурыз айларында шамамен 34,7 мың тонна тұтынылды.

Ведомство басшысы Энергетика министрлігі ұзақ мерзімді баға тұрақтылығын және бағаның алыпсатарлық өсуіне жол бермеуді қамтамасыз ете отырып, сұйытылған мұнай газ нарығын реформалау бойынша шаралар қабылдап жатқанын атап өтті.

Сол шаралардың бірі - белгілеген бөлшек сауда бағаларын негізге ала отырып, сұйытылған мұнай газының шекті көтерме бағаларын өндіруші зауыттардың айқындауы жөніндегі әдістеме әзірленетін болады, бұл түсімді зауыттар мен сатушылар арасында әділ бөлуге мүмкіндік береді.

• 22.04.2022
• 122