Энергетика секторындағы жер қойнауын пайдаланушылардың ТЖКҚ сатып алуларының жергілікті қамту үлесі 61,8%-ды құрады

2021 жылдың қорытындысы бойынша энергетика секторындағы жер қойнауын пайдаланушылардың ТЖКҚ сатып алудың жалпы көлемі 4,69 трлн. теңгені құрады. Жергілікті қамту үлесінің орташа салалық көрсеткіші 2,9 трлн. теңге сомасына 61,8%-ды, оның ішінде тауарларда – 24,3%, жұмыстарда – 76,4%, көрсетілетін қызметтерде – 53,6%-ды құрады.

Тауарлардағы жергілікті қамту үлесін арттыру үшін Энергетика министрлігі екі бастаманы іске асырды:

- «Шеврон» компаниясы өзінің Республика алдындағы қайта инвестициялау міндеттемелері шеңберінде Қазақстанның кірісті кәсіпорындарына 248,5 млн. АҚШ долл. бөлуді көздеді;

- «Мұнай-газ машинасын жасауды дамытудың халықаралық орталығы» құрылды, ол 3 ірі оператордың (Теңізшевройл, Қарашығанақ Петролеум Оперейтинг және Норт Каспиан Оперейтинг) мұқтаждығы үшін жергілікті тауарларды дамыту бойынша жұмыс жүргізуде.

Бүгінгі таңда Орталық үш тауар тобы: тиек арматурасы (клапандар), бақылау-өлшеу аспаптары мен автоматика (БӨАжА) және электр-техникалық жабдық бойынша өндірісті оқшаулау жөнінде жұмыстарды бастады, сондай-ақ оқшаулауға арналған бірқатар тауарлық топтарды анықтады: технологиялық сүзгілер, сорғылар мен тығыздағыштар, құбыр өнімдері, жылу, желдету және ауаны баптау жүйесі.

Бұдан басқа «Астана» халықаралық қаржы орталығының алаңында Жергілікті қамтуды дамытудың тікелей инвестициялар қоры тіркелген. Транспаренттілікті қамтамасыз ету үшін www.cdif.kz сайты құрылды, оған әр адам қатысуға өтініш бере алады және осы өтініштің әр кезеңдегі қаралуын бақылай алады.

Елдегі мұнай-газ-химия: майлау материалдары, полипропилен, метил-трет-бутил эфирі, октан арттырғыш қосындылар, бензол және параксилол өнімдерімен ұсынылған. 2022 жылы қуаты қуаты жылына 500 мың тонна полипропилен өндіру зауытын іске қосу жоспарланған.

• 26.04.2022
• 220