Облыс әкімі Нұрлан Ноғаев этномәдени бірлестік өкілдерімен кездесті

26 сәуірде Маңғыстау облысының әкімі Нұрлан Ноғаевтың қатысуымен өңірдегі этномәдени бірлестік өкілдерімен жиын өтті, деп хабарлайды облыс әкімінің баспасөз қызметі.

Жиында бірінші тоқсанда атқарылған жұмыстар қорытындыланып, әлеуметтік маңызы бар жобаларды жүзеге асыру бойынша ұсыныстар тыңдалды. 

Облыс әкімі Мемлекет басшысы атап өткен саяси реформалар бағдарламасының негізгі тұстарын атап өтіп, жаңа мемлекеттік жүйені құруға баса назар аударды. 

– Мемлекет басшысы атап өткен саяси реформалар бағдарламасының барлық маңызды тұстары жаңа мемлекеттік жүйені құруға бағытталған. Сондықтан оны жүзеге асыруға барлығымыз бірге атсалысып, белсенді түрде үлес қосуымыз керек. Президент өз сөзінде Қазақстан халқы Ассамблеясының алдында үлкен міндеттер тұрғанын айтқан болатын. Сондықтан баршамыз ортақ күш-жігермен бірлік пен келісімді сақтай отырып, уақыт сынына төтеп беріп, жаңа белестерді бағындыра алатынымызға сенімдімін, – деді Нұрлан Ноғаев.

Жиын соңында аймақ басшысы барша жиналғандарды келе жатқан 1 мамыр мерекесімен құттықтады.

– Осы сәтті пайдалана отырып, баршаңызды келе жатқан 1 мамыр – Қазақстан халқының бірлігі күні мерекесімен құттықтаймын! Тәуелсіз Қазақстанның барлық жетістіктері - ұлттық және діни көзқарасына қарамастан барша қазақстандықтардың мызғымас достығының жемісі. Сіздерге және жақындарыңызға зор денсаулық, амандық, табыс пен бақ-береке тілеймін, – деді аймақ басшысы.

• 27.04.2022
• 164