Алматы облысында «Үштөбе» күн электр станциясы пайдалануға берілді

2025 жылға дейін кемінде 2 400 МВт жаңартылатын энергия көздерінің (ЖЭК) қуатын іске қосу жөніндегі Мемлекет басшысының тапсырмасын іске асыру шеңберінде 2022 жылғы наурызда белгіленген қуаты 4,95 МВт «Үштөбе» күн электр станциясы (КЭС) пайдалануға берілді.

КЭС Алматы облысы Қаратал ауданының Үштөбе қаласында орналасқан. Құрылыс жалпы ауданы 10 га жер учаскесінде жүргізілді. КЭС құрылысы жобасын іске асырудың белсенді кезеңі 2021 жылғы маусымда басталды. Желіге электр энергиясын жеткізудің жоспарлы жылдық қуаты 7 млн кВт.сағ. құрайды.

Станцияда бірлі-жарым қуаты 450 Вт болатын 11 008 күн панелі және 86 стрингтік инвертор белсенді энергия өндіреді.

Сондай-ақ Қазақстанның «жасыл» экономикаға көшуі тұжырымдамасында және «Қазақстан-2050 стратегиясында» елдің энергия теңгеріміндегі жаңартылатын энергия түрлерінің үлесін 2025 жылы 6%-ға, 2030 жылы 15%-ға және 2050 жылы 50%-ға (баламалы көздерді ескере отырып) жеткізу мақсаттары бекітілді.

• 28.04.2022
• 314