Шет ауданында тұрғындармен кездесіп, жеке қабылдау өткіздім

Электрмен жабдықтау ұйымының сапасыз жұмысына және электр энергиясын жиі өшіруге қатысты көптеген шағымдар айтылды. Бұл мәселе бойынша жақын арада компания басшылығымен кездесіп, нақты шешімдерді қабылдаймыз.

Сондай-ақ, орталықтандырылған сумен қамтамасыз ету, интернеттің қанағаттанарлықсыз жұмысы және жолдардың сапасы бойынша мәселелер көтерілді.

Жақын арада Бұрма ауылындағы су құбыры желісін қайта жаңарту жүргізілетін болады. Сондай-ақ, Ақсу, Қызылқой, Қызылтау, Ақбауыр, Еңбекшіл ауылдарын сумен жабдықтау және Ақсу-Аюлыда орталықтандырылған кәріз жүйесін салу бойынша жобаларды әзірлеу жұмыстары жүргізілуде.

«Ауыл – Ел бесігі» бағдарламасы аясында аудандағы жолдарды жөндеу мен абаттандыруды жалғастырамыз. Ақжалдағы 19 кентішілік жолдарды орташа жөндеу жоспарланған. Ағадыр кентінде екі 12 пәтерлі тұрғын үйдің құрылысын аяқтап, аурухана ғимаратына күрделі жөндеу жүргізуді бастаймыз. Сондай-ақ Өспенде Мәдениет үйін ретке келтіреміз.

• 29.04.2022
• 282