Жаңа зертхана мен жылжымалы медициналық кешендер: Қарағанды облысы КВИ екінші толқынына дайындалуда

Қарағанды облысына ҚР Денсаулық сақтау министрі Алексей Цой жұмыс сапарымен келіп кетті. Сапардың мақсаты аймақтың орын алуы мүмкін пандемияның жаңа толқынына дайындығын тексеру.

Қарағандыда мемлекеттік-жекеменшік әріптестік аясында құрылған жаңа әлеуметтік-медициналық зертханада болдық. Зертхананың автоматтандырылған жабдықтары тәулігіне 2 мыңға дейін ПЦР-тесттерді жүргізуге мүмкіндік береді. Жаңа зертхананың іске қосылуы бізге коронавирусты анықтауға бағытталған 10 мыңға дейін тестті жүргізуге мүмкіндік береді. Осы жұмада зертхананың ашылуы күтілуде. Алдағы екі апта ішінде осындай зертхана Балқаш қаласында да ашылады.

Сондай-ақ үш жылжымалы медициналық кешен алынып, Абай, Осакаров және Жаңаарқа аудандарының орталық ауруханаларына тапсырылды. Бұл кешендер дәрігерлерге шалғайда орналасқан елді-мекендерде скрининг, медициналық және кәсіби тексерулерді сапалы жүргізуге, сондай-ақ қажетті медициналық көмекті көрсетуге мүмкіндік береді. Аймағымызға тағы да осындай бес кешенді жеткізу жоспарлануда.

Жалпы алғанда, облыстың денсаулық сақтау саласының нысандары орын алуы мүмкін пандемияның екінші толқынына дайын.

Қараша айында Абай, Балқаш, Теміртау, Шахтинск қалаларындағы жұқпалы аурулар ауруханаларын қайта құру және жөндеуден кейін іске қосу есебінен госпитальдық төсек орын саны 5,2 мыңға дейін жеткізіледі. Сондай-ақ Жезқазған қаласында 200 төсектік модульді жұқпалы аурулар ауруханасының құрылысы аяқталды. Қазір жұқпалы аурулар клиникаларының жүктемесі небары 3.6% ғана құрайды.

288 мобильді емханалық бригада құрылып, олардың жұмысы үшін қосымша 122 автокөлік сатып алынды. Сондай-ақ, жедел жәрдем қызметі үшін 60 реанимобиль жеткізіледі деп күтілуде.

Ауруханаларды заманауи медициналық техникамен жабдықтауды жалғастырудамыз. Биылғы жылы қосымша 223 ӨЖЖ-аппараты, 2400 оттегі концентраторы, 2600 пульсоксиметр және 40 цифрлық рентген-аппараты сатып алынды.

25 нысанда орталықтандырылған медициналық газ беру жүйесі орнатылған.

Облыста 17 компьютерлік томография кабинеті жұмыс істейді. Тағы 5 томограф Шахтинск, Қарағанды, Балқаш, Жезқазған, Сәтпаев қалаларында орнатылуда.

Күзгі-қысқы кезеңге дәрілік заттардың екі айлық тұрақтандыру қоры жасақталды.

Қазір облыстың периметрі бойынша негізгі магистральдарда термометрия, сауалнама және экспресс-тестілеу үшін 8 санитарлық бекет орнатылған.

Облыс тұрғындарын санитарлық қауіпсіздік ережелерін сақтауға шақырамын. Өздеріңізді және жақындарыңызды сақтаңыздар.

• 28.10.2020
• 377