Маңғыстаулық көкпаршылар жүлделі оралдыМаңғыстаулық көкпаршылар жүлделі оралды

Көкпар мен аударыспақтан ересектер арасында XXI-ші Қазақстан чемпионатында Маңғыстау облысының командасы екінші орын алды, деп хабарлайды облыстық Қоғамдық коммуникация орталығы.

Жарыс Тараз қаласында өтті. Дүбірлі дода жоғары және бірінші лига командаларының арасында болды. Ел біріншілігіне Алматы облысы, Маңғыстау облысы, Шымкент қаласы, БҚО, Павлодар облысы, СҚО, Қостанай облысы, Алматы қаласы, Ақтөбе облысынан барлығы 9 команда қатысты.

-Жарыстың алғашқы күні Маңғыстау облысының командасы Ақтөбе облысының командасын 16:4 есебімен, екінші күні Қостанай облысын 18:2 есебімен ұтты. Екі күн демалыстан кейін Батыс Қазақстан облысымен болған ойында, 12:2 есебімен Маңғыстау облысының пайдасына шешілді. Төртінші ойын Павлодар облысын 7:3 есебімен ұтып,  жалпы алғанда жеңіліссіз 4 ойыннан кейін финалға шықтық, - деді МО көкпар спортынан аға жаттыктырушы және команда капитаны  Ербол Ермағамбетов.
 
Бірінші лиганың жеңімпаздары Алматы облысының командасы атанса, екінші орын Маңғыстау облысының «Адай ата» командасына бұйырды. Ербол Ермағамбетовтың айтуынша, маңғыстаулық команда финалда Алматы облысына 6:4 есебімен есе жіберген. Қола жүлдені Шымкент құрамасы алды.

Жарыс 20-30 сәуір аралығында өтті.

• 04.05.2022
• 225