Облыс әкімі Нұрлан Ноғаев Қазақстан Республикасы Қарулы Күштерінің ардагерлерімен кездесті

7 мамырда Маңғыстау облысының әкімі Нұрлан Ноғаев Қазақстан Республикасы Қарулы Күштерінің ардагерлерін арнайы қабылдап, айтулы мерекелерімен құттықтады, деп хабарлайды Маңғыстау облысы әкімінің баспасөз қызметі.

Шараға Қазақстан Әскери - теңіз Күштерінің негізін қалаушы, Әскери теңіз Күштерінің бірінші Бас қолбасшысы, Батыс округінің бұрынғы қолбасшысы, Қорғаныс министрінің және Маңғыстау облысы әкімінің экс орынбасары Ратмир Комратов арнайы қатысты. 

Салтанатты жиында аймақ басшысы ардагерлерді мерекелерімен құттықтады. 

– Құрметті ардагерлер, сіздерді Қазақстан Республикасы Қарулы Күштерінің 30 жылдығымен және бүгінгі мерекелеріңізбен құттықтаймын. Мемлекет басшысы, Жоғарғы Бас Қолбасшы Қасым-Жомарт Кемелұлы Тоқаев еліміздің тұтастығына, оның қуаттылығына, саяси тұрақтылыққа, қоғамдағы келісімге әрқашан зор көңіл бөліп келеді. Осы жолды Қарулы Күштер - әрқашан тәуелсіздіктің басты тірегі болып қала бермек. Қазақстанда заманауи қару-жарақпен, жаңа техникамен жабдықталған жауынгерлік армия құрылды. Әскери қызметкерлердің отансүйгіштігі, әскери рухы, Қарулы Күштердің барлық бөлімшелеріндегі сарбаздар мен офицерлердің тамаша жауынгерлік дайындығы - еліміздің жоғары қорғаныс қабілетінің негізін құрайды. Сіздердің ерліктеріңіз біздің жадымызда мәңгіге сақталады, – деді Нұрлан Ноғаев.

Өз кезегінде адмирал Ратмир Комратов Отанды қорғау өте ауыр қызмет, абыройлы міндет екенін атап өтті. 

-Мемлекет басшысы сіздерге үлкен қолдау танытып отыр. Баспанамен, басқа да әлеуметтік көмектермен қамтамасыз етуде. Осынау жауапкершілігі мол жолда сіздерге сәттілік тілеймін. Мереке құтты болсын! Жаңа Қазақстанның гүлденуіне бірге атсалысайық,-деді Ратмир Комратов.

Шара соңында аймақ басшысы Нұрлан Ноғаев мерекеге орай Қазақстан Қарулы Күштерінің ардагерлерін Қорғаныс министрінің және облыс әкімінің алғыс хаттарымен марапаттады.

• 11.05.2022
• 178