Нұрлан Ноғаев облыстағы әскери бөлімдердің жас сарбаздарымен кездесті

7 мамырда аймақ басшысы Нұрлан Ноғаев өңірдегі бірқатар әскери бөлімдердің жас сарбаздарымен кездесті, деп хабарлайды Маңғыстау облысы әкімінің баспасөз қызметі.

Аймақ басшысы Қазақстан Республикасы Қарулы Күштері «Батыс» өңірлік қолбасшылығына қарасты 25744 теңіз жаяу әскері бригадасы мен  ҚР ҰҚК ШК Маңғыстау облысы бойынша департаментіне қарасты Қарақия ауданындағы шекара қызметінің әскери бөлімін аралады.

Онда сарбаздардың оқу корпусын, үй-жайларын аралап, әскери бөлімнің жауынгерлік техникасы және материалдық базасымен танысты.

Өңір басшысы еліміздің тәуелсіздігі мен тыныштығын қорғап жүрген сарбаздарды мерекелерімен құттықтады.

– Бүгін– бүкіл Қазақстан үшін айтулы күн. Елімізді қорғаны бола білген - Отан қорғаушылар күні. Әскери қызметшілер Мемлекет басшысы, Жоғарғы Бас Қолбасшы Қасым-Жомарт Тоқаевтың алға қойған міндеттерін үлкен жауапкершілікпен атқаруда. Қашанда Отан үшін жасаған қызметтеріңіз абыройлы болсын!,- деді Нұрлан Ноғаев.

• 11.05.2022
• 198