Маңғыстау облысында сыбайлас жемқорлыққа қарсы комиссияның отырысы өтті

Бүгін, 11 мамыр күні облыс әкімі Нұрлан Ноғаевтың төрағалығымен Маңғыстау облысы әкімдігінің жанындағы сыбайлас жемқорлыққа қарсы іс-қимыл мәселелері жөніндегі комиссияның отырысы өтті, деп хабарлайды Маңғыстау облысы әкімінің баспасөз қызметі. 

Жиында комиссия мүшелері, мемлекеттік органдардың басшылары, қоғам белсенділері ауыл шаруашылығы, құрылыс салаларындағы сыбайлас жемқорлықтың жай-күйі және оған қарсы атқарылып жатырған шаралардың тиімділігін талқылады. Отырыстың күн тәртібі аясында “Маңғыстау-Адалдық алаңы» жобалық кеңсесінің 2021 жылға арналған жұмыс қорытындысы да қаралды.

«Маңғыстау-Адалдық алаңы» жобалық кеңсесінің басшысы Дайрабай Үсіпбаевтың айтуынша, 2021 жылы түрлі қызметтік нысандарға 253  мониторинг жүргізілген. Мониторинг жүргізу нәтижесінде бірқатар кемшіліктер мен сыбайлас жемқорлық тәуекелдері анықталған. Анықталған кемшіліктер мен сыбайлас жемқорлық тәуекелдерін алдын алу  бойынша құзырлы органдарға хат жолданған. 

Жиын барысында облыс әкімі Нұрлан Ноғаев қылмыстық жағдайға итермелейтін сыбайлас жемқорлық тәуекелдерін болдырмаудың маңыздылығын атап өтіп, бұл ел Президентінің мемлекеттік органдардың алдына қойып отырған басты басымдықтарының бірі екенін айтып өтті. 

Комиссия отырысының соңында облыс әкімі мемлекеттік орган басшыларына бірқатар нақты тапсырмалар жүктеді.

• 11.05.2022
• 225