Ақтөбе облысында жылу беру маусымы қорытындыланды

Ақтөбе облысының әкімі Оңдасын Оразалиннің төрағалығымен өткен жиында жылу беру маусымы қорытындыланып, алдағы күзгі-қысқы кезеңге дайындық
жұмыстары талқыланды. Жалпы, энергетика және тұрғын үй-коммуналдық шаруашылығы басқармасының ақпараты бойынша, өңірдегі жылу беру маусымы тұрақты өткен. Облыс
орталығындағы Әуе қалашығы ауданының тұрғындарын жылумен қамтуда іркілістер болғаны айтылды. Бұл сұрақ биыл аталған ауданда жаңа қазандық орнатқан соң шешімін табатын болады. Aqtobe su-energy group АҚ-ның мәліметі бойынша, қазандық жаңа жылу беру маусымы басталмас бұрын пайдалануға берілмек.

Жалпы, 2022-2023 жылдардың жылу беру маусымына дайындық барысында коммуналдық кәсіпорындар 25 қазандыққа, 262,6 шақырым жылу, 32,6 шақырым кәріз-су, 82,4 шақырым электр желілеріне ағымдағы және күрделі жөндеу жұмыстарын жүргізуді жоспарлап отыр. Жиын қорытындысында облыс әкімі энергия беретін кәсіпорындардың алдағы
жылу беру маусымына дайындығын қатаң бақылауда ұстауды тапсырды.

• 13.05.2022
• 242