ҚР Энергетика министрлігі ТШО, NCOC және KPO-дағы жергілікті қамту үлесін ұлғайтуға ерекше көңіл бөледі

2022 жылғы 13 мамырда ҚР Энергетика министрі Болат Ақшолақов
Нұр-Сұлтан қаласында Мұнай-газ машинасын жасауды дамыту жөніндегі форумға қатысты, деп хабарлайды ҚР ЭМ Баспасөз қызметі.

Болат Ақшолақов өз сөзінде Қазақстанның машина жасау тауарлары импортына қатты тәуелділігін ескере отырып, машина жасау өнімдері сегментіндегі жергілікті қамту үлесін ұлғайтудың ерекше маңыздылығын атап өтті.

Қазақстанның мұнай-газ саласына қажетті жаңа өндірістерді жергіліктендіру мақсатында ҚР Үкіметінің бастамасымен Халықаралық машина жасау орталығы құрылған болатын. Орталық операторлардың сатып алатын барлық мұнай-газ тауарларына болжамды деректерімен талдауды дайындау, сондай-ақ операторларға осы тауарларды жеткізуге дайын отандық кәсіпорындарды анықтау бойынша жұмыс жүргізуі тиіс.

Қорытындылай келе, ведомство басшысы халықаралық стандарттар бойынша отандық машина жасаушыларды халықаралық сертификаттау және отандық өндірушілермен ұзақ мерзімді келісімшарттар жасасу жөніндегі жұмыстарды күшейту мақсатында Орталықтың ірі операторлармен (ТШО, NCOC, KPO) белсенді өзара іс-қимыл жасау қажеттігін ескертті.

• 13.05.2022
• 139