«Мерейлі отбасы» ұлттық конкурсы аясында «Отбасы ағашы» республикалық эко-акциясы өтті

15 мамырда Нұр-Сұлтан қаласында ҚР Ақпарат және қоғамдық даму министрлігі Нұр-Сұлтан қаласы әкімдігімен бірлесіп, Ботаникалық саябақ аумағында Халықаралық отбасы күніне және "Мерейлі отбасы" ұлттық конкурсының басталуына орай «Отбасы ағашы» республикалық акциясы өтті.

Бұл эко-шара бүтін бір отбасы болып, көпшілік болып, бірлесе отырып табиғатқа қамқор болып жүруге бағытталған.

Шараға белгілі қоғам қайраткерлері, отбасы саясаты саласы бойынша сарапшылар мен жастар және отбасы саясаты саласының мамандары қатысты.

 Дәл осы 15 мамырда отбасы құндылықтарын дәріптеуге бағытталған «Мерейлі отбасы-2022» ұлттық конкурсының басталуы хабарланды.

Аталмыш конкурсқа еңбекте, спортта, шығармашылық, зияткерлік, ғылыми жетістіктері бар, сондай-ақ қоғамдық пайдалы қызметке қатысатын (волонтёрлік, қайырымдылық, меценаттық, тәлімгерлік) отбасылар қатыса алады.

 Қазақстан Республикасының барлық өңірлерінің 17 үздік отбасысына «Мерейлі отбасы» ұлттық конкурсының лауреаты атағы беріледі.

 Конкурсқа қатысуға ниет білдірген үміткерлер өз өтініштерін өңірлік комиссияларға 2022 жылғы 15 маусымға дейін жолдай алады.

 Конкурс лауреаттарын салтанатты марапаттау рәсімі қыркүйек айының екінші жексенбісі – Отбасы күні мерекесінің қарсаңында өтеді.

• 16.05.2022
• 206