Қарағанды облысының аграршылары арзандатылған дизель отынымен және минералды тыңайтқыштармен қамтамасыз етілді

Жұмыс сапарымен Нұра және Осакаров аудандарында болдым. Ауылдағы шаруалармен кездесіп, егіс науқанының барысымен таныстым.

Биыл облыс бойынша жаздық егіс 1 млн 100 мың гектарға жоспарланған. Бұл өткен жылдан 45 мың гектарға көп. Қазірдің өзінде дәнді дақылдардың 35% - дан астамы, картоптың 50% - дан астамы және көкөністердің 20% - ы егілді. Аграршылар тұқыммен, арзандатылған дизель отынымен, минералды тыңайтқыштармен және пестицидтермен толық қамтамасыз етілген.

Нұра ауданы бойынша. Биыл «Шахтерское» ЖШС алғаш рет картоп отырғызудың жаңа әдісін қолданатын болады.

Ол үшін американдық жабдықтар сатып алынды. Мұнда неміс және голландиялық картоптың екі жаңа түрі отырғызылады. Олар біздің климатымызға сәйкес келеді және ұзақ уақыт сақталады. Сондай-ақ алғаш рет майлы шалғам өсіріле бастайды.

Ал «Қайнар» шаруашылығында егіс алқабы ұлғайтылды. Дәнді дақылдар 36 мың гектарға себіледі, егінді сақтау үшін бес астық қоймасы бар. Жұмыстар белсенді жүргізілуде.

Сондай-ақ Осакаров ауданында егістіктің 27,8% егілді. Бұл жұмыстарға төрт мыңға жуық ауыл шаруашылығы техникасы жұмылдырылды.

Биыл минералды тыңайтқыштарды пайдалану алаңының үлес салмағын 40% - ға дейін арттырамыз. Қазірдің өзінде 20 мың тонна тыңайтқыш ауыл шаруашылығы тауарын өндірушілерге жөнелтілді. Бұл бағытта субсидияны төлеу қолға алынуда.

Қолайлы ауа райы жағдайында Қарағанды облысында көктемгі егісті 28 мамырда аяқтау жоспарлануда.

• 19.05.2022
• 262