Қазақстан Республикасы Экология, Геология және табиғи ресурстар Министрлігінің Геология Комитеті 2020 тау-кен өндіру және шикізат салаларындағы қазақстан-герман ынтымақтастық күндерінің онлайн-іс-шарасына қатысты.

Виртуалды іс-шараға "KAZAKHINVEST "Ұлттық компаниясы" АҚ, "Тау-Кен Самрук "ҰТК" АҚ, "IGTIPC" Халықаралық жасыл технологиялар және инвестициялық жобалар орталығы " өкілдері, сондай-ақ Actemium BEA GmbH, Bredenoord GmbH, HAVER ENGINEERING GmbH, J&C Bachmann GmbH, Kaeser Kompressoren, K-UTEC AG Salt Technologies, MBE CMT GmbH, Redpathmining, SCHACHTBAU NORDHAUSEN GmbH германиялық жетекші компаниялардың өкілдері қатысты.

Онлайн-іс-шараны талқылаудың негізгі тақырыбы Қазақстандағы тау-кен және шикізат салаларында тәжірибе алмасу мәселесі болды.

Германияның жетекші компанияларының өкілдері халықаралық тәжірибе, инновациялық технологиялар, өнімдер және тау-кен және шикізат салаларын дамыту перспективалары туралы баяндамалар жасады.

Мен Қазақстан Республикасының минералдық-шикізат кешенінің ағымдағы жағдайы туралы баяндама жасадым. Геология және жер қойнауын пайдалану саласының инвестициялық тартымдылығын арттыру мақсатында Қазақстан Үкіметі Геология және жер қойнауын пайдалану саласындағы заңнаманы жетілдіру, іске қосылуы 2021 жылғы шілдеге жоспарланған "Қазақстан Республикасының минералдық ресурстарының ұлттық деректер банкі" ақпараттық жүйесін әзірлеу арқылы автоматтандырылған бизнес процестерді енгізу бойынша белсенді жұмыс жүргізуде.

Әлемдік компаниялармен ынтымақтастықтың оң тәжірибесін атап өтіп, Германия инвесторларын Қазақстанның жер қойнауын зерттеуге белсенді қатысуға шақырдым.

Сондай-ақ, қазақстандық тарап Germany Trade & Invest (Gtai) (Джермани Трейд энд инвест) және геологиялық барлау саласындағы басқа да неміс компанияларымен ынтымақтастық пен бірлескен жобаларды іске асыруға мүдделі екенін атап өтті.

Біз осы бағыттағы өзара тиімді ынтымақтастық екі елдің іскерлік қатынастарын нығайтатынына сенімдіміз және біздің елдеріміздің геологиялық қоғамдары арасында жемісті ынтымақтастық пен серіктестік орнатуға үміттенеміз.

• 04.11.2020
• 374