АЭХА мен Иран Карадже қондырғысында бақылау камераларын ауыстыру туралы келісімге келді

Атом энергиясы жөніндегі халықаралық агенттіктің (бұдан әрі - АЭХА) бас директоры Рафаэль Мариано Гросси мен Иранның Атом энергиясы жөніндегі ұйымының басшысы Мохаммад Эсламидің соңғы қол жеткізген келісіміне сәйкес Иранның Карадже центрифуга компоненттерін өндіру зауытында жаңа бақылау камераларын орнататынын хабарлады.

Алдағы уақытта ауыстырылатын бақылау камералары  Карадже қондырғысында  жыл басында алынып тасталған бақылау камераларының орнын басады. Сонымен қатар, АЭХА иен Иран кепілдіктердің түйткілді мәселелерін шешу үшін жұмысты жалғастырады.

"Иранмен Карадже қондырғысында бақылау камераларын ауыстыру туралы келісім АЭХА-ның Ирандағы тексеру және бақылау қызметіндегі маңызды оқиға болып табылады. Бұл бізге осы нысандағы мағлұматтың үздіксіздігін қалпына келтіруге мүмкіндік береді", — деді АЭХА бас директоры Гросси. "Ирандағы барлық шешілмеген кепілдік мәселелерін қарастыру және шешу үшін біз сындарлы пікірталастарымызды жалғастыра аламыз деп сенемін".

     Екі тарап арасындағы келісім мынадай элементтерді қамтиды:

• АЭХА мен Иран кепілдіктердің шешілмеген мәселелерін шешу үшін жұмысты жалғастырады. Осы мақсатта Иран мен АЭХА бірқатар ақпарат алмасуларын, өзара бағалау жұмыстарын және сарапшылардың кездесулерін өткізеді.
• АЭХА Иранға 2021 жылғы 19 желтоқсанда агенттік инспекторларының қатысуымен қауіпсіздік қызметі мен сот жүйесінің тиісті лауазымды тұлғаларының талдауы үшін камера үлгісі мен тиісті техникалық ақпаратты ұсынады.
• АЭХА мен Иран арасындағы келісімге сәйкес АЭХА 2021 жылдың желтоқсан айының соңына дейін Карадже қондырғысында бақылау камераларын ауыстыратынын және басқа да тиісті техникалық әрекеттерді орындайтынын хабарлады.

• 20.05.2022
• 286