«Ядролық физикалық қауіпсіздік саласында инспекциялар жүргізу» оқу курсы

АҚШ Қорғаныс министрлігінің қатерді азайту жөніндегі агенттігінің «Жаһандық ядролық физикалық қауіпсіздік» бағдарламасы шеңберінде ҚР ЭМ Атомдық және энергетикалық қадағалау мен бақылау комитеті 2021 жылғы 14 мен 18 қараша аралығында Алматы қаласында «Ядролық физикалық қауіпсіздік саласында инспекциялар жүргізу» оқу курсы ұйымдастырды және өткізді.

Оқу курсы Ядролық физика институтының Ядролық қауіпсіздік жөніндегі оқу орталығының базасында өткізілді.

Оқу курсына атом саласы ұйымдарының, сондай-ақ ҚР ЭМ Атомдық және энергетикалық қадағалау мен бақылау комитетінің өкілдері қатысты.

Курс мақсаты – ядролық физикалық қауіпсіздік саласындағы инспекцияларды жоспарлау және оларды жүргізу қағидаттары мен әдістерімен таныстыру, ядролық объектілерде инспекция жүргізудің практикалық дағдыларын үйрету. Оқу курсы шеңберінде АҚШ пен Қазақстан нұсқаушылары физикалық қорғау, ядролық материалдарды есепке алу және бақылау, сондай-ақ  ақпараттық қауіпсіздік жүйелеріне инспекция жүргізу бойынша теориялық және практикалық дәрістер өткізді.

Оқу курсының соңында қазақстандық 15 маманға курсты сәтті аяқтағаны туралы сертификаттар табыс етті.

• 20.05.2022
• 295